Hozeya 14:1-9
14 “Ove Isalele, kinduluka kuli Yehova Kalunga kove,+Unahukana mwomwo yakuhenga chove.
2 Kinduluka kuli Yehova oku uli nakuhanjika mazu akulikonekela,Amba ngwove, ‘Tukonekele kuhenga chetu,+ tambula vyuma vyamwaza natukuhana,Natukwalisa namivumbo yetu+ nge omu natukwalisa hakukuhana vana vavangombe.*
3 Asulya keshi kuhasa kutulwilako.+Katweshi kukatambukila cheka hatuvaluko,+Katweshi kukahanjika cheka kuchuma chakutenga namavoko etuko ngwetu, “Ove yove Kalunga ketu.”Mwomwo ove yove weji kutetelanga vana vakuzeneka masevo.’+
4 Nanguvoka kuvilinga vyavo vyakuhenga.+Nanguvazanga chakufuma kumuchima wami,+Mwomwo ngunapeula lyehi utenu wami hali vakiko.+
5 Nangupwa nge ngulyume kuli Isalele.Isalele mwafukula nge lutemo,Kaha miji yenyi nayizamika nge miji yamitondo yakuLevanone.
6 Mitango yenyi nayisuhwa,Luvaji lwenyi nalupwa nge mulive,Livumba lyenyi nalipwa nge mitondo yakuLevanone.
7 Vatu jami navakatwama cheka mumuvule wami.Navakatumba jimbuto jamanona, kaha navakachivikila nge muvinyo.+Nangukafumakana nge vinyo vyakuLevanone.
8 Efwalime mwakamba ngwenyi, ‘Makombelo akaze kuli ami?’+Nangukamukumbulula, nangukamulama.+Nangukapwa nge ngumunjunyipe.Kuli ami kukiko mwakawana mihako.”
9 Iyaze ali namangana? Kaha atachikize mwalumbunukila vyumevi.Iyaze azangama? Kaha atachikize vyuma kana.Jijila jaYehova japwa jakusungama,+Kaha vaka-kwoloka navatambukangamo.Oloze vaka-kuzombojoka jishimbi navahukana mujijila kana.
Kwinyikila Chamwishi
^ Hepe., “Natukuhana vana vavangombe vamivumbo yetu.”