Hozeya 4:1-19
4 Enu vaIsalele, ivwenu mazu nahanjika Yehova,Yehova mwasopesa vatu vamulifuchi,+Mwomwo mulifuchi kamweshi vatu vamuchano nazangi yakwililako, kaha nawa kavatachikijile Kalungako.+
2 Vanasweze kulishinga vyuma vyamakuli, nakulyonga,+ nakujiha vakwavo,+Nakwiva, nakulinga ukoji.+Vilinga vyakumwanga manyinga vinayangilila.+
3 Shikaho lifuchi nalikalishona,+Kaha vaze vatwamamo vosena navakanonga.Tunyama vamuchipapa, natujila vakutuka mwilu,Navaishi vamukalungalwiji vosena navakanonga.
4 “Mutu kanda alipika namukwavo chipwe kumuhanjikilako,+Mwomwo vatu jove vanapu nge vaze veji kulipikanga nakapilishitu.+
5 Ngocho namukahukana musana weye,Kapolofweto naikiye mwakahukana hamwe nayenu, nge omu mutu mwahukana naufuku.Nenu nangukamuholesa kulu.*
6 Vatu jami navakavaholesa kulu* mwomwo kaveshi nachinyingiko.Hakuwana nge vanakane chinyingi,+Ngocho nayami nanguvakana, kaha kaveshi kupwa vapilishitu jamiko.Hakuwana nge vanavulyama jishimbi* jayami Kalunga kavo,+Ngocho nayami nangukavulyama vana vavo.
7 Omu vapwile nakuvula, vaswezele kulinga shili kuli ami.+Nanguvevwisa sonyi mukutela kupwa naulemu.*
8 Hashili yavatu jami hakiko vali nakulila,Hakuhenga chavo hakiko vali nakufwila kunganyalila.*
9 Vyuma navikasolokela vatu vikiko navikasolokela navapilishitu.Vosena nangukavazangamisa hajijila javo,Nangukavamwenesa vihuli mwomwo yavilinga vyavo.+
10 Navakalyanga, oloze kaveshi kukekutako.+Navakalinga ujila, oloze kaveshi kukasema vana nakuvulako,+Mwomwo kavavumbikile Yehovako.
11 Ujila, navinyo vyavihya, navinyo vyekaVyeji kuhonesanga mutu kulinga vyuma vyakwoloka.*+
12 Vatu jami veji kuyanga nakwihula makombelo akusonga,Veji kulinganga vyuma vize yeji kuvalwezanga mbwechi yavo.*Mwomwo muchima wakufwila kulinga ujila uli nakuvahungumwisa,Ujila wavo uli nakuvalingisa vakane kuliluula kuli ami Kalunga kavo.
13 Veji kuvatwilanga vimuna hajipili jajinene,+Veji kulumbilanga vimuna vakuvatula hajipili jajindende,Namwishi yamivalyu, namishitolashe, namitondo yeka yayinene,+Mwomwo ngwavo mivule yayo yamwaza.Shikaho vana venu vamapwevo veji kulingilanga ujila,Shikaho vanokowenu nawa veji kulingilanga ukoji.
14 Kangweshi kukazangamisa vana venu vamapwevo haujila wavoko,Chipwe kuzangamisa vanokowenu haukoji wavoko,Mwomwo namalunga veji kulipitulanga namapwevo vaka-ujila,Nakuhana vimuna navaka-ujila.*Vatu kanava vakuzeneka kunangakana+ navakanonga.
15 Ove Isalele,+ uli nakulinga ujila,Yuta kanda mwalinga shili yoyimweko.+Kanda nauya kuNgilingale+ chipwe kuMbete-aveneko.+Kanda naulishingako ngwove, ‘Omu ayoya Yehova tu.’+
16 Isalele nanjinjavala nge ngombe wakunjinjavala.+Yehova keshi kuvafunga nge omu kafunga mwafunga mwanamukoko kuulilo wauneneko.*
17 Efwalime nalipanjika kumakombelo.+Mwechenu.
18 Omu eji kukumisanga kunwa wala wenyi,*Eji kulinganga ujila.Vaka-kumuyula* vasaka kulisawisa.+
19 Peho nayikamumbata* mumavava ayo,Kaha mwakevwa sonyi havimuna jenyi vakuvatula.”
Kwinyikila Chamwishi
^ Chipwe “nangukamunongesa.”
^ Chipwe “jindongi.”
^ Chipwe “navakavanongesa.”
^ Chipwe pamo, “Vali nakungusaula mukutela kungutohwesa.”
^ Chipwe “vali nakuzundwila myono yavo.” Tala Mukana waMazu, “Mwono.”
^ Hepe., “Vyeji kutambulanga muchima.”
^ Chipwe “mbwechi yamuka-kutaha.”
^ Chipwe “Nakuhana vimuna vaka-ujila vakutembele.”
^ Hepe., “kuchihela chachineneko.”
^ Chipwe “wala wenyi watiliku.”
^ Hepe., “Jikepwe jenyi.”
^ Chipwe “nayikamupekumuna.”
