Hozeya 5:1-15
-
Kusopesa Efwalime naYuta (1-15)
5 “Enu vapilishitu,+ ivwililenu,Enu vakuzuvo yaIsalele, tengelekenu matwitwi enu,Enu vakuzuvo yamwangana, ivwililenu,Mwomwo enu yenu navasopesa.Enu munapu nge muheto vanate kuMijipa,Munapu nge lyoji vanate kuTavole.+
2 Vaze vanapyapumuka* vanandupukila mumulimo wakujiha,Kaha nguli nakuvahuhumuna* vosena.
3 Efwalime ngwamutachikiza,Isalele naikiye nguli nakumumona.Ove Efwalime, unalingi ujila.Isalele nalipihisa ivene.+
4 Vilinga vyavo vili nakuvahonesa kukinduluka kuli Kalunga kavo,Mwomwo vali namuchima wakufwila kulinga ujila.+Yehova kavamutachikizako.
5 Isalele nafu namulonga mwomwo yakulivwimba chenyi.+Isalele naEfwalime vanahukana hakuhenga chavo,Yuta naikiye nahukana hamwe navakiko.+
6 Vayile nautanga wavo wamikoko nawou wavangombe nakutondatonda Yehova,Oloze kavamuwanyineko.Mwomwo avasosolokele.+
7 Vanambembejeka Yehova,+Mwomwo vanasemena vana kuli vaka-mafuchi eka.Ngocho kakweji mwavanongesa* nauswana wavo hamwe.*
8 Imbenu luneta+ muNgiveya namuLama.+Vilikenu luvila lwajita muMbete-avene.+ Ove Mbenjamine, tuli nakukukavangiza munyima.
9 Ove Efwalime, naukakomwesa vatu halikumbi lize navakakuzangamisa.+Ngunambulula vyuma navisolokela miyachi yavaIsalele.
10 Vilolo javaYuta vanapu nge vaze vali nakusosolola jingiza.+Nanguvahingunwina utenu wami nge meya.
11 Efwalime vali nakumuyanjisa, vanamuchiki hakumusopesa,Mwomwo afwililile kukavangiza muka-kole wenyi.+
12 Ngocho ngwalile Efwalime nge omu katutu mwalya chuma,Ngwapolesele vaze vakuzuvo yaYuta.
13 Omu Efwalime amwene ngwenyi naviji, nomu nawa Yuta amwene ngwenyi ali nambandu,Efwalime ayile kuAsulya,+ atumine tunganda kuli mwangana wamunene.Oloze kahashile kuka musongo wenuko.Kahashile kuka mbandu yenuko.
14 Nangupwa nge mwevu wandumba kuli Efwalime,Nangupwa nge ndumba wangolo kuli vaze vakuzuvo yaYuta.Nanguvatanya tanyutanyu, kaha nanguya.+Nanguvambata, kaha naumwe wauchi mwavapululula.+
15 Nanguya, nangukinduluka kuchihela chami palanga nomu navamona lupi havilinga vyavo vyavipi,Navakangutondatonda ngukavevwile uselewa.*+Navakangutondatonda omu navakamona vihuli.”+
Kwinyikila Chamwishi
^ Chipwe “Vaka-kulikanga.”
^ Chipwe “nakuvazangamisa.”
^ Chipwe “namande avo hamwe.”
^ Chipwe pamo, “Ngocho navanonga mukakweji umwe”
^ Hepe., “Navakatondatonda chihanga chami.”
