Hozeya 6:1-11
6 “Twayenu, tukindulukenu kuli Yehova.Natutanye tanyutanyu,+ oloze mwatuka.Natulemeka, oloze mwatukasa hajimbandu jetu.
2 Mwatuka omu namuhita makumbi avali.Halikumbi lyamuchitatu, mwatuhindula,Kaha natuyoyanga kumeso enyi.
3 Natutachikiza Yehova, natufwila kumutachikiza kanawa.Twafwelela chikupu ngwetu mweza nge omu twafwelela ngwetu likumbi nalitutuka.Mweza kuli etu nge vula,Mweza nge vula yakukuminyina yize yeji kuzovesanga hamavu.”
4 “Ove Efwalime, ngukulinge muka?Ove Yuta, ngukulinge muka?Zangi yenu yakwilila yinapu nge mavwi achimene,Yinapu nge lyume lize lyeji kulelangananga mukapyapya kakandende.
5 Shikaho nangumiteta kuzachisa vapolofweto.+Nangumijiha namazu amukanwa kami.+Kusopesa nangumisopesa nachisoloka hatoma nge kumunyika chalikumbi.+
6 Ngwasaka zangi yakwilila* keshi vimuna vakuvatulako,Ngwasaka vatu vangutachikize ami Kalunga kuhambakana kunguhana mawana akulumba.+
7 Oloze enu munahokola lushiko nge vatu vamokomoko.+Munangumbembejeka mulifuchi lyenu.
8 Ngileyate yinapu nganda yavaka-kupihisa.+Yinazale namilonga yakumwanga manyinga.+
9 Lizavu lyavapilishitu linapu nge lizavu lyavaka-kunyemukila lize linaswaminyina mutu.Vali nakujiha vatu mujila yakuya kuShekeme.+Vali nakulinga vyuma vyasonyi.
10 Ngunamono chuma chakukomwesa muzuvo yaIsalele.Efwalime ali nakulinga ujila muzuvo kana.+Isalele nalipihisa ivene.+
11 Jino enu vaYuta, ngunatongola lyehi lwola lwakumikungulula kwijiva nge lwola lwakwaha,Nangukakungulula vatu jami vaze vali muufunge.”+
Kwinyikila Chamwishi
^ Chipwe “Ngwasaka keke.”