Hozeya 7:1-16
7 “Omu ngweji kukanga Isalele,Kuhenga chaEfwalime cheji kusolokanga hatoma,+Vilinga vyakuhuka vyaSamaliya+ navikiko vyeji kusolokanga hatoma.Mwomwo veji kulyonganga,+Veji kwivanga nakunyemukila vatu kuweluka.+
2 Kaveshi kushinganyeka mumichima yavo ngwavo nangwanuka vilinga vyavo vyakuhuka vyosenako.+Vilinga vyavo vyavipi vinavajingilika,Kavyaswamine kumeso amiko.
3 Veji kwivwisanga mwangana kuwaha navilinga vyavo vyakuhuka,Veji kwivwisanga vilolo kuwaha namakuli avo.
4 Vosena vanapu vaka-ukoji,Vali nakwenya nge fwolonyi yize vanawiki lyehi kakahya kuli muka-kwocha jimbolo,Uze mwalitwamina kusambiza kakahya nge nachiki lyehi unga palanga nomu naufutunuka.
5 Halikumbi lyachiwanyino chamwangana wetu, vilolo vanaviji.Vinyo vinavalingisa vapihilile.+Mwangana nalikate navaka-kutoleka.
6 Michima yavatu kana yili nakwenya nge fwolonyi.*Muka-kwocha mbolo nasavala ufuku wosena,Oloze kuheta nachimene fwolonyi yili nakwepuka milangi yakakahya.
7 Vosena vali nakwenya nge fwolonyi,Vali nakulya vaka-kuvayula,*Vamyangana javo vosena vanalindwomwoka,+Hali vakiko kaheshi umwe ali nakungusanyikako.+
8 Efwalime nalikate navaka-mafuchi eka.+Efwalime napu nge chindanda chamujingulule chize vanazeneka kwalumuna.
9 Vatu veka vanamutambula ngolo jenyi,+ oloze ikiye katachikijileko.Kumutwe wenyi kwosena kunasoko jivwi, oloze ikiye katachikijileko.
10 Isalele nafu namulonga mwomwo yakulivwimba chenyi,+Oloze vatu kana kavakindulukile kuli Yehova Kalunga kavoko,+Kavamutondeletondeleko chamokomoko navyumevi.
11 Efwalime napu nge liyembe wakuhulama, uze keshi namanganako.*+Vatu kana vanalombo Ejipitu+ avakafwe, vanayi nawa kuAsulya+ vavakafwe.
12 Nanguvatela lyoji kweshokwo navaya.Nanguvaholwela hamavu nge tujila vakutuka mwilu.Nanguvazangamisa nge kutesa nomu ngwalwezele lizavu lyavo.+
13 Lamba kuli vakiko mwomwo vananguseze.Navanonga mwomwo vanazomboka jishimbi jami.Ngwasakile ngwami nguvasokole, oloze vanahanjika vyuma vyamakuli hali ami.+
14 Kavatwile kawelele kuli ami namichima yavo yosenako,+Numba tuhu vapwile nakulila jimbimbi hatuhela twavo.Vali nakulilemeka jimbandu mwomwo yajimbuto jamanona navinyo vyavihya.Vali nakulikanga kuli ami.
15 Numba tuhu ngwavanangwile nakuvajikijisa,Oloze vanalikange kuli ami nakujina vyuma vyavipi.
16 Valumukile, oloze kavalumukilile kukulemesa chamuchanoko.Vatu kana kavavafweleleleko ngana mwauta wamanana wakumbwembwela.+Vilolo javo navakalindumuka kujipoko jamikwale mwomwo yahanjikiso yavo yakulikanga.Shikaho navakavatolekanga mulifuchi lyaEjipitu.”+
Kwinyikila Chamwishi
^ Chipwe pamo, “Michima yavo yinapu nge fwolonyi omu vali nakupandama navishinganyeka vyavo vyavipi.”
^ Hepe., “vaka-kuvasopesa.”
^ Hepe., “keshi namuchimako.”
