Hozeya 9:1-17
9 “Ove Isalele,+ kanda nauwahililako,Kanda nauwahilila ngana mwavatu veka navekako.Unahanduka kuli Kalunga kove+ mwomwo yaujila wove.Unazange vyuma vyosena vize vanakwondonga muujila wove havizungwilo vyajimbuto jamanona.+
2 Oloze vizungwilo navikamwino kavyeshi kukakuhana vyakulyako,Kaweshi kukapwa navinyo vyavihyako.+
3 Kaweshi kukatwamanga mulifuchi lyaYehovako.+Efwalime mwakakinduluka kuEjipitu,Navakalyanga vyakulya vyavipi muAsulya.+
4 Kaveshi kukahana cheka Yehova wana wavinyoko.+Kalunga keshi kukevwila kuwaha vimuna javo vakuvatulako.+Vanapu nge vyakulya vyahalwola lwakulishona.Veshovo navavilya navapihya.Mwomwo vyakulya kana vyauka wavo kaha.*Kaveshi kukavineha muzuvo yaYehovako.
5 Namukalinga ngachilihi halikumbi lyachiwanyino,*Halikumbi lyachiwanyino chaYehova?
6 Namukachina kunonga.+Ejipitu mwakamikungulula,+ kaha Memefwise mwakamifunda.+Kanyungi mwakasoka havyuma vyenu vyapalata vyandando yayinene,Kaha mujimbalaka jenu namukasoka mingonga.
7 Makumbi akumisopesa ali nakwiza,+Makumbi akumishishishilamo ali nakwiza,Kaha vaIsalele navakatachikiza chuma kana.Kapolofweto kenu mwakasoloka nge chileya, kaha muka-kuhanjika mazu vahwima mwakazaluka.Hakuwana nge kuhenga chenu chinatoho, ngocho nakumimanyina nakole nawa chinatoho.”
8 Muka-kulama+ waEfwalime apwile naKalunga kami.+Oloze oholyapwa jijila javapolofweto+ jenyi jinapu nge miheto yamuka-kuta tujila.Muzuvo yaKalunga muli kulimanyina nakole.
9 Vanandupukila muvilinga vize navineha kunonga, nganomu chapwile mumakumbi avaka-Ngiveya.+Mwakanuka kuhenga chavo, mwakavazangamisa hajishili javo.+
10 “Isalele ngwamuwanyine nge mihako yamivinyo mupambo.+Vakakuluka jenu ngwavawanyine nge jikuyu jakulivanga jize jili kumukuyu.Oloze vakavangijile Mbale wakuPeyole.+Valihanyine kuchuma chaunyengwe.*+Ngocho vapwile vaunyengwe ngana mwachuma echi vazangile.
11 Upahu waEfwalime unatuku nge kajila.Vatu kaveshi nakusema, chipwe kwimita majimoko.+
12 Numba nge navalela vana,Nangukavajiha, mangana kukazeneke kusala mutu numba umwe.+Navakamona lamba omu nangukavaseza.+
13 Efwalime uze vatumbile muchihela chamwaza ngwamumwene nge Tule.+Oholyapwa Efwalime mwaneha jino vana venyi vavajihe.”
14 Ove Yehova, vahane vyuma vize vinavatela,Valingise vapwenga namajimo akupihisa vana namavele akuzeneka mavele.*
15 “Valingilenga vilinga vyakuhuka muNgilingale,+ kaha ngwavahungile.Nanguvahanga muzuvo yami mwomwo yavilinga vyavo vyavipi.+Kangweshi kuvazanga chekako.+Vilolo javo vosena vakunjinjavala.
16 Efwalime navamunongesa.+Miji yenyi nayuma chau, kaha keshi kwima mihakoko.Numba nge mwasema vana vaze mwazanga chikuma, oloze nanguvajiha.”
17 Kalunga kami mwavakana,Mwomwo kavamwivwililileko,+Navakimbwojoka muli vaka-mafuchi.+
Kwinyikila Chamwishi
^ Chipwe “vyamyono yavo kaha.”
^ Chipwe “lyachiwanyino chenu chahalwola vatongola.”
^ Chipwe “kuli kalunga waunyengwe.”
^ Chipwe “namavele akukonyachila.”