Isaya 11:1-16
11 Chishina chaYese+ nachikasoka mutombo,+Hamiji yenyi nahakasoka muketengo+ uze naukema mihako.
2 Shipilitu yaYehova nayikapwa hali ikiye,+Kaha mwakapwa wamangana,+ wakunangakana,Mwakapwa muka-kulweza mangana, mwakapwa wangolo,+Mwakapwa wachinyingi, kaha mwakamwivwanga Yehova woma.
3 Kumwivwa Yehova woma+ mwakachivwanga kuwaha.Keshi kukasopesa vatu havyuma mwakamona namesoko,Chipwe kuhanjikila vatu kweseka nomu mwakevwa namatwitwi enyiko.+
4 Mwakayulanga mwakwoloka vihande vyavaka-kukalikiza,Mwakahanjikila vatu mukusungama mangana vatu vavavwovu vahamavu vakatokwelemo.Mwakaveta vaka-mavu nambwechi yakulovoka mukanwa kenyi,+Mwakanongesa vaka-kuhuka nakuhwima* chamukanwa kenyi.+
5 Kwoloka nachikapwa nge muhya mumbunda yenyi,Kaha kushishika nawa nachikapwa nge muhya mumbunda yenyi.+
6 Kangunge mwakatwamanga hamwe namwanamukoko,+Mwanapembe mwakautamanga hamwe nachisupa,Mwanangombe, nandumba,* nachimuna wakununa navakapwanga hamwe,*+Kaha kanyike wamundende mwakavatwaminyinanga.
7 Ngombe naulusu navakalilanga hamwe,Kaha vana vavo navakautamanga hamwe.Ndumba mwakalyanga mwila nge ngombe.+
8 Mwana uze ali nakwamwa mwakahemenanga hawina wafwiji,Mwana uze nasumuka lyehi mwakanangika livoko lyenyi hawina walinoka waulembe.
9 Kupili yami yajila+Kaveshi kukenyekako+ chipwe kupihisakoMwomwo hamavu hosena nahakazala nachinyingi chakumutachikiza YehovaNge muze kalungalwiji azala nameya.+
10 Halikumbi lize, mwiji waYese+ naukemana nakupwa chinjikizo* kuli vatu veka naveka.+Vaka-mafuchi navakeza kuli ikiye mangana akavatwaminyine,*+Kaha chihela chenyi chakunokela nachikapwa chaupahu.
11 Halikumbi lize, Yehova mwakolola livoko lyenyi kamuchivali nakusokola vatu jenyi vasalaho, vaze vasalile kuAsulya,+ nakuEjipitu,+ nakuPatalose,+ nakuKushe,+ nakuElame,+ nakuShinale,* nakuHamate, nakumatungu ahakalungalwiji.+
12 Mwakakatwila vaka-mafuchi eka chinjikizo.* Mwakakungulula vaIsalele+ vaze valimwangile, mwakakungulula vaYuta vaze valimwangilile kumavu kwosena.+
13 VaEfwalime kaveshi kukapwa cheka nalushiushiuko,+Kaha vaze veji kwimanyinanga vaYuta nakole navakavanongesa.VaEfwalime kaveshi kukevwila vaYuta lushiushiuko,Kaha vaYuta kaveshi kukemanyina vaEfwalime+ nakoleko.
14 Navakashikumuka washiwashi hamingulunga* yavaFwilishite kumulauko.Navakapupa vyuma vyavaka-Mututuko.Navakolola mavoko avo nakufungulula* vaEtome+ navaMowave,+Kaha navakapwa nawata hali vaAmone.+
15 Yehova mwakahandununa* muhongi* wakalungalwiji wakuEjipitu,+Mwakahwingisa livoko lyenyi haKalwiji.*+Mwakaveta vana vatulwiji 7 vayou Kalwiji nakuhwima chamumazulu enyi,*Kaha vatu navakatambuka namendelo kumahinji avo nakuya musali.
16 Nakukapwa jila yayinene+ yakufuma muAsulya yize navakahita vatu jami vaze vasalile,+Nge muze chapwile kuli vaIsalele halikumbi lize valovokele mulifuchi lyaEjipitu.
Kwinyikila Chamwishi
^ Chipwe “nashipilitu.”
^ Chipwe “namwevu wandumba.”
^ Chipwe pamo, “Mwanangombe nandumba navakalyanga hamwe.”
^ Chipwe “Vaka-mafuchi navakamutondatonda.”
^ Chipwe “chitondo chachinjikizo.”
^ Ikiko Mbavilone.
^ Chipwe “chitondo chachinjikizo.”
^ Hepe., “havifwiji.”
^ Chipwe “Navakatohwesa ngolo javo hali.”
^ Chipwe pamo, “mwakomisa.”
^ Hepe., “lilimi.”
^ Ikiye Yufwalate.
^ Chipwe “nashipilitu yenyi.”
