Isaya 13:1-22
13 Awa akiko mazu akusopesa Mbavilone+ aze vamumwenesele Isaya+ mwanaAmoze muchakumwenesa:
2 “Katula chinjikizo*+ hapili yakuzeneka mitondo.Sanyika vatu, vakolovole nalivoko lyove,Mangana vezenga nakwingila kuvikolo vyavatu vavalemu.
3 Ngunalweze vatu vaze ngunatongola.*+Ngunasanyika maswalale jami vasolole utenu wami,Ngunasanyika vatu jami vakuwahilila chikuma.
4 Ivwenu! Kujipili kuli nakwivwakana liyongomena lyavatu,Vali nakwivwakana nge vatu vavavulu chikuma.Ivwenu liuya lyavatu vamumawangana,Liuya lyavaka-mafuchi vaze vali nakulikungulwila hamwe.+Yehova wamayongomena ali nakukungulula maswalale valwenga jita.+
5 Vali nakufuminyina kulifuchi lyakwakusuku,+Kusongosongo yamavu,Yehova mwavazachisa kupwa vitwa vyenyi mangana asolole utenu wenyi,Mangana anongese lifuchi lyosena.+
6 Kalwomwokenu mwomwo likumbi lyaYehova lili hakamwihi,Ou Wangolo Josena+ ikiye mwalineha mangana linongese vyuma.
7 Shikaho mavoko avo osena nawakazeya,Kaha michima yavatu nayikalizuzukila nawoma.+
8 Vatu navakalichikimina nawoma.+Navakevwa vikola namisongoNgana mwapwevo uze ali nakusapuluka.Navakalitala mwavomwavo nakulikomokela,Navakahomba kumeso.
9 Talenu! Likumbi lyaYehova lili nakwiza,Nalikapwa likumbi lyamakava, lyakulundundu, lyautenu waunene,Nalikenyeka lifuchi nakupwa chuma chakukomwesa vatu,+Nalikanongesa vaka-shili vaze vatwamamo.
10 Vatanganyika vamwilu navinjomoto vyavatanganyika,+Kaveshi kukamunyikako.Likumbi nalikelava hakututuka chalyo,Kaha kakweji keshi kukalovola myeji yenyiko.
11 Nangukazangamisa vaka-mavu haupi wavo,+Navaka-kuhuka hakuhenga chavo,Nangukakumisa kulivwimba chavatu vakazamuzamu,Vatu vaukenya nangukavanda manya avo.+
12 Nangukalingisa vatu vakakehe kuhambakana ulu wakutomesa,+Nangukalingisa vatu vakakehe kuhambakana ulu wakuOfwile.+
13 Shikaho ami Yehova wamayongomena nangukandendesa melu,Nangukanyikisa mavu nakuwafumisa mumango yawo+Mwomwo yamatoto ami halikumbi lyandombo yami.
14 Mutu himutu mwakakinduluka kuli vatu jenyi,Mutu himutu mwakachinyina kulifuchi lyenyi,+Ngana mwakayi uze vali nakuhangasana, ngana mwautanga wavimuna uze unazeneka mutu wakuvakungulwila hamwe.
15 Weshowo navakawana kuli vaka-kole navakamutuva.Weshowo navakakwata navakamujiha napoko yamukwale.+
16 Vana vavo navakavachikila hameso avo,+Jizuvo javo navakajipupa,Kaha mapwevo javo navakavapika.
17 Nanguvakatwila vaMete,+Vaze vamona palata kupwa yamokomokoVaze kavevwila kuwaha uluko.
18 Mata avo amanana nawakanongesa vakweze jamalunga.+Kaveshi kukatetela vakembako,Kaveshi kukevwila keke vanyike vavandendeko.
19 Mbavilone wangana waupahu hamawangana osena,+Yize vevwila kuwaha vaKalateya+ nakulisashilaho,Nayikapwa nge Sotome naNgomola omu Kalunga ajinongesele.+
20 Kamweshi kukatwama vatuko,Kaveshi kukatungamo kuvisemunwino vyosenako.+VaAlavya kaveshi kukatungamo jimbalaka javoko,Tufunga kaveshi kukautamisamo mautanga avimuna javoko.
21 Namukautamanga tunyama vamulikundu,Mujizuvo javo namukapwanga vikungulu,Vanyamalanda navakatwamangamo,+Kaha vapembe vamuchipapa* navakasambwojokelangamo.
22 Tunyama vakuwoza navakatetelanga mutuposhi twayo.Vamyumbwe navakawozelanga mujizuvo jayo jaulangaji.Lwola lwayo lunapandama, kaha makumbi ayo vanawakehesa.”+
Kwinyikila Chamwishi
^ Chipwe “chitondo chachinjikizo.”
^ Hepe., “vatu jami ngunajilika.”
^ Chipwe pamo, “vandemone vakufwana nge vapembe.”
