Isaya 15:1-9
-
Mazu akusopesa Mowave (1-9)
15 Awa akiko mazu akusopesa Mowave:+Ale+ yaMowave yinapu yahwilichi,Mwomwo vanayinongesa mulikumbi lyangongo.Kile+ yaMowave yinapu yahwilichi,Mwomwo vanayinongesa mulikumbi lyangongo.
2 Vanayi kuZuvo* yatulunga nakuNjivone+Kuvihela vyakulunduka mangana valilileko.VaMowave vali nakukalwomwoka hali Nevo+ nahali Meteva.+Vatu vanateula tukongo kumitwe yavo,+ vanateula wevu wavo.+
3 Vatu vanavwale vikeleyi nakuya mujijila jayo.Vosena vali nakukalwomwoka helu lyajizuvo javo namuvihela vyasanga.Vali nakushikumuka oku vali nakulila.+
4 Vatu vamuHeshevone namuEleyale+ vali nakulila,Kaha mazu avo anevwakana nakuYahaze.+Shikaho malunga vaka-jita vakuMowave vali nakutambakanyina.Vali nakulichikimina.
5 Nguli nakulila hali vaMowave.Vafunge javo vanachinyina kuZowale+ nakuEngelate-shelishiya.+Vali nakukanduka kumukandu waLuhite oku vali nakulila.Vali nakuya kuHolonaime oku vali nakulila halupi lunasoloka.+
6 Mwomwo meya amuNyimilime anomu.Mwila ututa unomu chau,Mwila wachimbete unavauka, nou unalituluko wauchi.
7 Shikaho vanambate vize vinalituluko muvisete vyavo nakuluheto lwavo.Vali nakuzauka muchinema* chamitondo yamipopela.
8 Miteto yavo yinevwakana mungalila yaMowave+ yosena.Kulila chavo chinahete nakuEngelaime,Chinahete nakuMbele-elime.
9 Mwomwo meya amuNjivone ali namanyinga,Ngunalamina Njivone vyuma vyavivulu.Vandumba navakakwata vaMowave vaze navakachina,Navaze navakasala mulifuchi.+
