Isaya 16:1-14
-
Mazu akusopesa Mowave anatwalilila (1-14)
16 Twalenu chizamba chamukoko kuli twamina walifuchi,Mufumisenu kuSela nakumuhichisa mupambo,Mumutwale kupili yamwanapwevo Zeyone.
2 Vana vaMowave vamapwevo navakavahangila kumwava waAlanone,+Ngana mwakajila uze vanahange muuswa wenyi.+
3 “Twamenu punga, lingenu muze munakase.Namusana lingisenu muvwimbimbi wenu wilave nge ufuku.Swekenu vaze vanahange, kanda namusolola vaze vali nakuchinako.
4 Enu vaMowave, yitavisenu vatu jami vaze vanachinyi vatwame muli enu.Pwenu uswamo wavo mangana vaswame muka-kuvanongesa.+Vaka-kuyanjisa vakwavo navakanonga,Lwenyeka nalukakuma,Kaha vaze vali nakulyatangila vakwavo navakanonga nakufuma hamavu.
5 Litanda navakalizamisa nazangi yakwilila.Uze mwakatwama halitanda mumbalaka yaNdavichi mwakapwanga wakushishika.+Mwakasopa mwaya chiyulo nakuzata vyuma mukwoloka.”+
6 Tunevu kulivwimba chavaMowave, vapwa vakulivwimba chikuma.+Tunevu kulitukwojola chavo, nakulivwimba chavo, nautenu wavo,+Oloze kuhanjika chavo chakulitukwojola nachikakuma.
7 Shikaho vaMowave navakalila halupi luze nalukavawana.Vosena navakalila.+Vatu vaze navakaveta navakaliveya vindanda vyakuKile-halesete+ vyamihako yamivinyo yaumu,
8 Mwomwo mande amivinyo akuHeshevone+ anazuzu,Mivinyo yakuShivima+ yinazuzu.Vatwamina javaka-mafuchi vanalyatangila mitango yawo yikwechi mihako yamivinyo yakuhya.Yahetele nakuYazele,+Yahetele namupambo.Miketengo yawo yasuwile kuheta nakukalungalwiji.
9 Shikaho nangulila mivinyo yaShivima nge omu nangulila hali Yazele.Ove Heshevone nayove Eleyale,+ nangumizovesa namasoji ami,Mwomwo kulikuwa munalikuu hakwaha mihako yenu yahangonde yanonga najimbuto jenu chinakumu.*
10 Vatu mumilemba kaveshi nakuwahilila nakulisambako,Kakweshi cheka myaso yakuwahilila nakulikuwa mumande amivinyoko.+Vaka-kulyatangila mihako yamivinyo kaveshi nakulyatangila cheka vinyo muvikamwinoko.Mwomwo ngunakumisa kulisamba chenu.+
11 Shikaho mujimo lyami muli nakuvuma hakumona Mowave,+Muli nakuvuma nge kalyalya,Mujimo lyami muli nakuvuma hakumona Kile-halesete.+
12 Numba tuhu vaMowave navaya kuvihela vyakulunduka mangana vakalombe kuvihela vyavo vyajila, oloze navalishina kaha.+
13 Awa akiko mazu ahanjikile Yehova hakavanga hali vaMowave.
14 Yehova jino nambe ngwenyi: “Shimbu kanda myaka yitatu yikume, myaka yakuteseka hamwe nayize yangamba wakukamba, upahu wavaMowave naukuma naliuya lyalinene, kaha vaze navakayovoka navakapwa vavandende chikuma, vakuhona ulemu.”+
Kwinyikila Chamwishi
^ Chipwe pamo, “Mwomwo luvila lwajita luneza lyehi hamihako yenu yahangonde yanonga najimbuto jenu.”
