Isaya 17:1-14
17 Awa akiko mazu akusopesa Ndamashiku:+“Talenu! Nganda yaNdamashiku kayeshi kukapwako chekako,Nayikapwa malala.+
2 Jinganda jakuAlowele+ navakajiseza,Najikapwanga hivihela vyakuutama utanga wavimuna,Naumwe wauchi mwakavevwisa woma.
3 Jinganda jakukingiwa navakajinongesa muli vaEfwalime,+Kaha wangana navakaunongesa muNdamashiku.+Upahu wavaze navakasala muSulyaNaukakuma nge muze wakumine upahu wavaIsalele.”* Omu mukiko mwanambe Yehova wamayongomena.
4 “Halikumbi lize, upahu waYakova naukakeha,Kaha mujimba* wenyi naukahokama.
5 Mwakapwa nge mutu uze ali nakuhuhwojola manona muChinema* chaLefwaime,+Nge muka-kwaha uze ali nakwaha manona kuvisachi,Livoko lyenyi nalikaha mitwe yatiliku.
6 Namukasala vyakuhuhwojola vyavindende kahaNge omu kumulive nakusala jilive jakuhya jivali chipwe jitatu kumitango yahelu,Mokomoko mihako yiwana chipwe yitanu kumitango yawo omu navaunyikisa.”+Omu mukiko mwanambe Yehova Kalunga kaIsalele.
7 Halikumbi lize, mutu mwakatala kuli Tengi yenyi, meso enyi nawakashishika Ou Wajila waIsalele.
8 Keshi kukatala kulijiko lyakulumbila+ lyakutenga namavoko enyiko.+ Keshi kukashishika havyuma natenge naminwe yenyi, vyakufwana nge jipanda jajila jamitondo,* chipwe vitumbikilo vyavyuma vyalivumba lyamwazako.
9 Halikumbi lize, jinganda jenyi jajikembwe najikapwa nge hichihela changanavene mumusenge,+Nge mutango uze vasezele kumeso avaIsalele.Kaha najikapwa jingundu.
10 Mwomwo munavulyama Kalunga+ kenu muka-kumilwila,Munahono kwanuka Lilolwa+ lyenu lyakukola.Shikaho namukatumba mitondo yamwaza mumande,Oloze namukatumbamo namiketengo yamutu weka.*
11 Halikumbi lize, namukashita vipato kumande enu,Nachimene jimbuto jenu namukatumba najikasoka.Oloze kamweshi kukaha vyuma vimweko halikumbi lyamisongo navikola vyavinene.+
12 Kuli nakwivwakana vyema vyavatu vavavulu,Nge vyema vyakunganjanga chakalungalwiji.Kuli nakwivwakana liuya lyavaka-mafuchi amavulu,Vyema vyavo vinapu nge kuvuma chameya amavulu.
13 Vaka-mafuchi navakaneha liuya nge vyema vyakunganjanga chameya amavulu.Mwakavatenukila, kaha navakachinyina kwakusuku,Navakavapekumuna nge omu muzungu wakujipili naupekumuka napeho,Nge omu mutuvapoko naupekumuka napeho yanyamanganda.
14 Navakevwa muzuzu naufuku.Kaha shimbu kanda kuchenga navakapwa hivauchiko.Echi chikiko chazano chavaze veji kutupupanga,Ou ukiko uswana wavaze veji kutupukulanga.
Kwinyikila Chamwishi
^ Hepe., “wavana vaIsalele.”
^ Hepe., “Kaha maji amujimba.”
^ Chipwe “muChana.”
^ Tala Mukana waMazu.
^ Chipwe “yakalunga wakulifuchi lyeka.”
