Isaya 18:1-7
-
Mazu akusopesa Echopa (1-7)
18 Lamba kulifuchi likwechi tututu vali nakuneha vyema namavava avo,Lifuchi lyamungalila yatulwiji vaEchopa,+
2 Lyeji kutumanga vatemesa,Vazauke kalungalwiji namato amateve. Lyeji kuvatumanga ngwalyo:“Enu tunganda vajimbushi yenunga,Yenu kulifuchi lyavatu vavasuku, vavikova visenena,Kuvatu vaze vevwa woma kumavu kwosena,+Kulifuchi lyangolo, lika-kufungulula mafuchi akwavo,Lize likwechi mavu vanenyeka kumeya amutulwiji.”
3 Enu mwatwama mulifuchi muvosena, enu mwatwama hamavu,Chuma namukamona nachikapwa nge chinjikizo* chize vanakatula kujipili,Kaha namukevwa chivumo nge chize chaluneta.
4 Yehova nambe kuli ami ngwenyi:“Nangukalihulika kulu nakutala* hachihela chami ngunazamisa lyehi,Nangulinga ngocho ngana mwamusana wakazaNgana mwalivwi lyalyume halwola lwaliyena mungonde yakwaha.
5 Mwomwo shimbu kanda lwola lwakwaha,Omu najikalinga jitemo jinahuluka lyehi, kaha maundu anakolo nakupwa mihako yamivinyo,Miji navakayiteta napoko yakunongesa kumitondo,Kaha miketengo navakayiteta nakuyifumisako.
6 Navakavaselayo tujila vakujipili vaze veji kulyanga nyamaNavakayisela visuma vamuchipapa.Tujila vaze veji kulyanga nyama navakatongamangaho hangonde yanonga,Kaha visuma vamuchipapa vosena navakatwamangaho halwola lwakwaha.
7 Halwola kana, Yehova wamayongomena navakamunehela wanaKuPili yaZeyone,+ kuze navakavulukilanga lijina lyaYehova wamayongomena,Naukafuma kulifuchi lyavatu vavasuku, vavikova visenena,Kuvatu vaze vevwa woma kumavu kwosena,Kulifuchi lyangolo, lika-kufungulula mafuchi akwavo,Lize likwechi mavu vanenyeka kumeya amutulwiji.”
