Isaya 19:1-25
19 Awa akiko mazu akusopesa Ejipitu:+Talenu! Yehova ali nakutambukila halivwi lyajimbushi nakuya kuEjipitu.Tulunga vakuEjipitu vamokomoko navakalichikimina kumeso enyi,+Kaha michima yavaka-Ejipitu nayikalizuzukila.
2 “Nangukalingisa vaEjipitu vakalizungise navakwavo vaEjipitu,Navakalizungisa umwe namukwavo,Mutu himutu mwakazungisa ndumbwenyi, mwakazungisa mukwavo atunga nenyi,Nganda nayikanyemukila nganda yikwavo, kaha wangana naukanyemukila wangana ukwavo.
3 Vatu vamuEjipitu navakapwa muchitanga,Nangukaluwanganyisa vyuma vanajinyi kulinga.+Navakaya kuli tulunga twavo vamokomoko vakavakafwe,Navakaya kuli vaka-kupanda, navaka-kutahisa vashipilitu, navaka-kulweza vyuma vyakulutwe.+
4 Nangukahana vaEjipitu mumavoko atwamina wamukalu muchima,Mwangana wakutenuka ikiye mwakavayula.”+ Omu mukiko mwanambe Mwata wamuchano, Yehova wamayongomena.
5 Meya amukalungalwiji nawakoma,Kaha kalwiji mwakoma chau.+
6 Tulwiji navakanuka.Tupila vameya vakalwiji Nyile wakuEjipitu navakahohonyoka nakuma.Mahongo namateve nawakapola.+
7 Vyuma vyakusoka kuKalwiji Nyile, kukanwa kaNyile navikoma,Jimbuto vanatumbu kuchikulo chaNyile+ najikoma.+Najikapekumuka, kaha kajeshi kukapwako.
8 Vaka-kuta vaishi navakalishona,Vaka-kulova vaishi namalovo navakalila jingungu,Kaha vaka-kuta moji halwiji ngolo najikavahwa.
9 Vaze veji kuzatanga mulimo wakutomesa wanda walinyu.+Navaze veji kutunganga mahina atoma navakavevwisa sonyi.
10 Vaka-kutonga mahina navakavachika,Kaha vangamba vakukamba vosena navakalishona.*
11 Vilolo vamuZowane+ vanapu vileya.Vaka-kulweza Fwalo mangana veji kumulwezanga vyuma vyamokomoko.+Namwamba ngachilihi kuli Fwalo ngwenu:“Tunapu tuvaka-tanga yavatu vamangana,Tuvaka-tanga yavamyangana vakushikulu”?
12 Uno vatu jove vamangana vali kulihi?+Kachi nge vanatachikiza, kaha vakulweze vyuma najinyi kulinga Yehova wamayongomena kuli vaEjipitu.
13 Vilolo vakuZowane vanalingi vyuma vyauleya,Vilolo vakuNofwe*+ vanalyongo,Vamyata jamiyachi vanahungumwisa vaEjipitu.
14 Yehova naluwanganyisa michima yavo.+Kaha vanahungumwisa vaEjipitu muvyuma vyosena vali nakulinga,Ngana mwamuka-kupenda uze mwatalyangila havisazo vyenyi.
15 MuEjipitu kamweshi kukapwa milimo yakuzata,Mutwe chipwe mukila, chipwe muketengo chipwe liteveko.*
16 Halikumbi lize, vaEjipitu navakapwa nge mapwevo, navakalichikimina nakulizuzukila mwomwo Yehova wamayongomena mwakavolwela livoko lyenyi nakuvevwisa woma.+
17 Kaha vaEjipitu navakevwanga woma lifuchi lyavaYuta. Omu navakavulukanga lifuchi kana, navakevwanga woma mwomwo Yehova wamayongomena najinyi kuvazangamisa.+
18 Halikumbi lize, mulifuchi lyaEjipitu namukapwa jinganda jitanu jize najikahanjikanga lilimi lyavaKanane+ nakulishinga kupwa vakushishika kumeso aYehova wamayongomena. Nganda yimwe navakayivuluka ngwavo Nganda Yakunongesa.
19 Halikumbi lize, hakachi kalifuchi lyaEjipitu nahakapwa lijiko lyaYehova lyakulumbila, kaha kungiza yalifuchi kana nakukapwa panda yajila yaYehova.
20 Navikapwa chinjikizo naunjiho hali Yehova wamayongomena mulifuchi lyaEjipitu. Navakatwa kawelele kuli Yehova mwomwo yavaka-kuvayanjisa, kaha mwakavatumina mulwilo wamulemu uze mwakavayovola.
21 Halikumbi lize, Yehova navakamutachikiza kuli vaEjipitu. VaEjipitu navakamutachikiza Yehova, navakamuhana vimuna vakuvatula namawana, kaha navakamushika Yehova lushiko nakulutesamo.
22 Yehova mwakaveta vaEjipitu+ nakuvahindula cheka, kaha navakakinduluka kuli Yehova. Mwakevwa kulembelela chavo nakuvahindula.
23 Halikumbi lize, nakukapwa jila yayinene+ yakufuma kuEjipitu nakuya kuAsulya. VaAsulya navakeza kuEjipitu, kaha vaEjipitu nawa navakaya kuAsulya. VaEjipitu navakazachilanga Kalunga navaAsulya hamwe.
24 Halikumbi lize, vaIsalele navakazachilanga hamwe navaEjipitu navaAsulya,+ kaha navakapwanga kisu kuli vaka-mavu,
25 mwomwo Yehova wamayongomena mwakavakisula nakwamba ngwenyi: “Vatu jami vaEjipitu, navaAsulya, vaze vapwa milimo yamavoko ami, navaIsalele+ vaze vapwa uswana wami vavakisulenga.”
Kwinyikila Chamwishi
^ Chipwe “navakalishona mumyono yavo.”
^ Chipwe “vakuMemefwise.”
^ Chipwe pamo, “chipwe livale chipwe lihongoko.”
