Isaya 22:1-25
22 Awa akiko mazu alupi luze nalukeza haChinema Chakumwena Vyakumwenesa:*+Ukalu muka uli nawo numba vatu jove vosena vayenga hamilungu yajizuvo?
2 Ove nganda yaliuya, yakulisamba,Wapwile uwavyema.Vatu jove vaze vafwile kavafwile najipoko jamikwaleChipwe kufwa mujitako.+
3 Vatwamina jove vakukenyuka vosena vanachinyi.+Vanavatwale muufunge chakuzeneka kuzachisa mata amanana.Vosena vaze vanakwate vanavatwale muufunge,+Numba tuhu vanachinyina kwakusuku.
4 Shikaho ngunambila ngwami: “Kanda namungutalako,Ngwechenu ngulile chikuma.+Kanda namunguvendejeka,Hakufwa chavatu jamiko.+
5 Mwomwo Mwata Wakulitulaho Yehova wamayongomenaNanehe likumbi lyapindangano, lyakufungulula vatu, lyakwivwisa woma,+MuChinema Chakumwena Vyakumwenesa.Kembwe vali nakuyishiula,+Kaha vatu vali nakuteta kupili.
6 Vaka-Elame+ vanambate misakaliVali nakwiza mumatemba nahatuvalu,Vaka-Kile+ vanasolomona* lyehi jikepwe javo.
7 Vinema* vyove vyamwazaNavikazala namatemba ajita,Kaha tuvalu* navakemana kuchikolo changanda.
8 Chiwuva chakukinga vaYuta navakachifumisako.
“Halikumbi lize, namukatala kuvitwa vyamuzuvo vavuluka ngwavo Zuvo yaMusenge,+
9 kaha namukamona myaji yayivulu hakembwe yaNganda yaNdavichi.+ Namukakungulwila hamwe meya muchijiva chakuchikulo.+
10 Namukalava jizuvo jamuYelusalema nakushiula jimwe mangana mukakanyamise kembwe.
11 Namukafula chijiva hakachi kajikembwe jivali mangana mukapwe meya amuchijiva chamwaka, oloze kamweshi kukatala kuli Tengi Wamunene uze alingile chuma kanako. Kaha kamweshi kukamona Ou achijinyine kufuma kushikuluko.
12 Halikumbi lize, Mwata Wakulitulaho Yehova wamayongomena,Mwakalweza vatu vakalile nakulishona,+Mwakavalweza vakateule jikambu kumitwe yavo nakuvwala vikeleyi.
13 Oloze vakiko navakakinyinyina nakuwahilila,Navakajiha vangombe namikoko,Navakalya nyama, navakanwa vinyo,+ nakwamba ngwavo,‘Tulyenu, tunwenu mwomwo hamene natufwa.’”+
14 Jino Yehova wamayongomena nahanjika kuli ami ngwenyi: “‘Kuhenga kanechi kaveshi kukamikonekelachoko, namutwamanga lika nacho palanga nakukufwa chenu.’+ Omu mukiko mwanambe Mwata Wakulitulaho, Yehova wamayongomena.”
15 Mwata Wakulitulaho, Yehova wamayongomena nambe ngwenyi: “Yako kuli kaselwa Shevena,+ mukulwane wakuzuvo* yamwangana, ukamulweze ngwove,
16 ‘Ika unakatukila kuno? Kausoko kove muka atwama kuno numba utoteleko chimbumbe chove?’ Shevena ali nakutota chimbumbe chenyi hachihela chakulunduka. Ali nakutota chimbumbe* chenyi mulilolwa.
17 ‘Ove lunga, Yehova mwakakulindumwina hamavu nakukukwata nangolo.
18 Mwakakuvungavunga nakukwasa kulifuchi lyalinene nge omu navasa ngunja. Mukafwila vene kuze, kaha matemba ove aupahu nawakapwanga kuze. Echi nachikasawisa vaze vakuzuvo yamwata wove.
19 Nangukakukatumuna hachihela chove, nangukakufumisa hamilimo yove.
20 “‘Halikumbi lize, nangukasanyika ngamba yami Elyakime+ mwanaHilikiya.
21 Nangukamuvwika chikuto chove nakumukasa muhya wove mumbunda yenyi,+ kaha wata wove nangukauhana kuli ikiye. Mwakapwanga nge sevo kuli vatu vamuYelusalema navaze vakuzuvo yaYuta.
22 Sapi yakuzuvo yaNdavichi+ nangukayihaka havifwiji vyenyi. Mwakasokololako, kaha kakweshi kukapwa mutu mwakasokakoko. Mwakasokako, kaha kakweshi kukapwa mutu mwakasokololakoko.
23 Nangukamupapalila nge lumbambo hachihela chakukola, kaha mwakapwanga nge litanda lyaupahu kuzuvo yaise.
24 Navakamuhana upahu* wakuzuvo yaise wosena: vaka-tanga navana, vakiko vinoma vyavindende vyosena, naviloso vyamujingulule, namilondo yayinene yosena.
25 “Yehova wamayongomena nambe ngwenyi, ‘Halikumbi lize, lumbambo luze vanapapalila hachihela chakukola navakalufumisamo,+ kaha navakaluvatula nakuholokela hamavu. Chuma chize vapapalilile nalumbambo nachikaholoka nakulyenyeka, mwomwo Yehova nahanjikamo lyehi.’”
Kwinyikila Chamwishi
^ Pamo kutalisa kuYelusalema.
^ Chipwe “vanalongesa.”
^ Chipwe “Vyana.”
^ Chipwe “vaka-kutambukila hatuvalu.”
^ Chipwe “wakunganda.”
^ Hepe., “zuvo.”
^ Hepe., “ulemu.”
