Isaya 23:1-18
-
Mazu alupi luze nalukeza hali Tule (1-18)
23 Awa akiko mazu alupi luze nalukeza hali Tule:+Enu mato akuTalashishe,+ kalwomokenu.Mwomwo chau vanachenyeka, kamweshi kuhasa kusulikamoko.Mujimbu kana vanavalwezewo lyehi kulifuchi lyaKichime.+
2 Enu mwatunga kuchikulo chakukalungalwiji holenu kulu,Vaka-kusekasana vakuShitone+ vaze veji kuzaukanga kalungalwiji vanamipichisa.
3 Jimbuto jakuShihole*+ jatambukile hameya amavulu,Jimbuto jakuNyile janehelenga jimbongo kuli ove Tule,Janehelenga nganyo kumafuchi.+
4 Ivwa sonyi ove Shitone, ove chihela chakukola chakukalungalwiji,Mwomwo kalungalwiji nambe ngwenyi:“Kanda ngwivwengaho lyehi misongo yakusema, kanda ngusemengaho lyehi,Kanda ngulelengaho lyehi vana vamalunga chipwe vana vamapwevoko.”*+
5 Vatu navakalyonyinga hakwivwa mujimbu waTule,+Nge muze valyonyingile hakwivwa mujimbu waEjipitu.+
6 Zaukenu muyenga muTalashishe.Enu vatu mwatwama kuchikulo chakalungalwiji kalwomwokenu.
7 Eyi keshi yikiko nganda yinawahililanga kufuma kushikulu, kufuma kumakumbi akunyimako nyi?Mahinji ayo ayilenga kumafuchi akwakusuku nakutwamako.
8 Uno iya najinyi kulinga chuma kana kuli Tule,Kuli uze avwikilenga vatu michama,Uze apwile navilolo jenyi vaka-kusekasana,Uze apwile navaka-kulandulula jenyi vaze vavumbikilenga kumavu kwosena?+
9 Yehova wamayongomena ikiye nachijinyi,Mangana akumise kulivwimba chaTule nalivwimbilanga havyuma vyenyi vyamwaza vyosena,Mangana enyise vosena vaze vavumbika hamavu hosena.+
10 Enu vatu vamuTalashishe, limwangenu mulifuchi lyenu nge muze nawalimwanga meya amuKalwiji Nyile.Kakweshi cheka chihela chakusongela matoko.*+
11 Kalunga nolola livoko lyenyi hakalungalwiji,Nanyikisa mawangana osena.Yehova nahane lushimbi mangana vanongese vihela vyakukola vyaFwenyisha.+
12 Kaha nambe ngwenyi: “Ove vanashinyinyika, ove mwanaShitone wapwevoKaweshi kukalisamba chekako.+Katuka, zauka uyenga kuKichime.+Kuze nauya kaweshi kukawana kunokako.”
13 Talenu lifuchi lyavaKalateya!+Ava vakiko vanachilingi, keshi nge vaAsulyako,+Vanalingisa chihela kana kupwa likundu lyakutwamanga tunyama.Vanayijingilika natuposhi twavo vayilukuke,Vanashiula tuposhi twakukola twamunganda,+Vanayipuzula nakusala malala.
14 Enu mato akuTalashishe kalwomokenu,Mwomwo chihela chenu chakukola vanachenyeka.+
15 Halikumbi lize, Tule navakayivulyama hamyaka 70,+ myaka yakweseka hamwe namyaka mwayoya* mwangana umwe. Hakukuma chamyaka 70, Tule nayikapwa nge muka-ujila vanembi mumwaso ou:
16 “Ove muka-ujila uze vavulyama, mbata kalyalya kove ujinguluke munganda.Imba kanawa kalyalya kove,Imba myaso yayivulu,Mangana vakwanuke.”
17 Hakukuma chamyaka 70, Yehova mwakalakana Tule, kaha nayikaputuka cheka kutambula fweto yayo. Nayikalinga ujila namawangana ahamavu osena.
18 Oloze nganyo yayo nafweto yayo nayikapwa vyuma vyajila kuli Yehova. Kaveshi kukayilama chipwe kukayitulikako mwomwo fweto yayo nayikapwa yavaze veji kutwamanga kumeso aYehova, mangana vakalyenga nakwikuta nakuvwala uvwalo wamwaza chikuma.+
Kwinyikila Chamwishi
^ Kulumbununa, kumwanaKalwiji Nyile.
^ Hepe., “chipwe mapwevo vaze kanda valisavaleho lyehi namalungako.”
^ Chipwe pamo, “Kakweshi cheka chauko.”
^ Hepe., “namakumbi.”
