Isaya 24:1-23
24 Talenu! Yehova mwafumisa vatu mulifuchi* nakuliseza kupwa lyamupolongwa.+Mwalifulumika+ nakumwanga vatu vatwamamo.+
2 Omu mukiko nachikapwa kuli vatu vosena:Kuli vatu vamuchivulu nakuli vapilishitu,Kuli vangamba vamalunga nakuli vakaka javo vamalunga,Kuli vangamba vamapwevo nakuli vakaka javo vamapwevo,Kuli vaka-kulanda nakuli vaka-kulandulula,Kuli vaka-kulevanyisa nakuli vaka-kulevana,Kuli vaka-kukongwesa jimbongo nakuli vaka-kukongola.+
3 Lifuchi nalikasala lyamupolongwa,Navakalipupa lyosena,+Mwomwo Yehova nahanjikamo lyehi.
4 Lifuchi lili nakulishona,*+ lili nakuya nakunonga.Vyuma vyahamavu vinazuzu, vinapiluka.Vatu vavalemu vamulifuchi vanalehuka.
5 Vatu vanenyeka lifuchi lyavo,+Mwomwo vanazombwojoka jishimbi,+Vanalumuna jindongi,+Vanahokola lushiko lwahaya myaka yosena.*+
6 Shikaho lifuchi vanalyangula,+Kaha vatu vatwamamo vanavawane namulonga.Ngocho vatu vamulifuchi vanakehe,Munasale vatu vavandende kaha.+
7 Vinyo vyavihya vili nakulishona,* mivinyo yinazuzu,+Vatu vakuwahilila vosena vali nakulishimwoka.+
8 Chivumo chamwaza chatungoma chinakumu,Vyema vyavaka-kupenda vyauchiko,Chivumo chamwaza chatulyalya chinakumu.+
9 Vali nakunwa vinyo chakuzeneka myaso,Wala unapu wausasu kuli vaze vali nakuunwa.
10 Nganda yize vanaseze yinashiuka,+Kujizuvo josena vanasokoko, naumwe wauchi mwahasa kwingilamo.
11 Vali nakutambakana nakutondatonda vinyo mujijila.Kuwahilila chosena chinakumu,Kulisamba chamulifuchi chinakumu.+
12 Nganda vanayiseze malala.Vikolo vyayo vanavichiki nakuvilumbika malala.+
13 Omu mukiko nachikapwa kuli vatu veka naveka mulifuchi:Namukasala vatu vavandende ngana mwamihako yayindende yinasale kumulive uze vananyikisa.+Ngana mwavyuma vyakuhuhwojola vize vinasale hakukumisa kwaha mihako yamivinyo.+
14 Navakalikuwa,Navakawahilila nakutwa jingunda.Navakavilika ukelenga waYehova+ kukalungalwiji.*
15 Shikaho navakamutohwesa Yehova kungalila yaKumututuko.+Navakatohwesa lijina lyaYehova, Kalunga kaIsalele+ kumatungu akukalungalwiji.
16 Tunevu myaso kujisongosongo jamavu ngwavo:“Vamwalisenga Ou Wakwoloka.”+Oloze ngunambe ngwami: “Jinanguhu. Jinanguhu.Lamba hali ami! Vaka-kumbembejeka vali nakumbembejeka vakwavo.Vali nakumbembejeka vakwavo nakumbembejeka chavo.”+
17 Enu vatu vamulifuchi,+ namukevwa woma, namukafwa mumena, namumiheto.
18 Weshowo mwakachina mwomwo yawoma mwakaholokela muwina,Kahou mwakafuma muwina mwakafwa mumuheto.+Vikolo vyameya vyamwilu navakavisokolola,Kaha vihela vyamavu navikalinyika.
19 Mavu analipulu hakachi,Mavu analinyiki,Mavu anandende mwamupi.+
20 Lifuchi lili nakupelyangila nge mutu uze napende,Lili nakulinyika kwijiva nge kapundo kali nakulinyika napeho,Linalemuwa navilinga vyalyo vyakuzombwojoka jishimbi,+Nalikaholoka, kaha kalyeshi kukapwako chekako.
21 Halikumbi lize, Yehova mwakazangamisa liyongomena lyamwilu,Navamyangana vahamavu.
22 Kaha navakavakungulwila hamwe,Ngana mwavafunge vaze vanakungulwila muwina.Navakavasokelela mukamenga.Oloze navakavalakana omu namukahita makumbi amavulu.
23 Kakweji navakamwinyisa,Kaha likumbi nalikevwa sonyi,+Mwomwo Yehova wamayongomena napu Mwangana+ haPili yaZeyone+ namuYelusalema,Upahu wenyi unasoloka kumeso avakulwane javatu jenyi.*+
Kwinyikila Chamwishi
^ Chipwe “hamavu.”
^ Chipwe pamo, “lili nakuma.”
^ Chipwe “lwakushikulu.”
^ Chipwe pamo, “vili nakuma.”
^ Chipwe “kumulauko.”
^ Hepe., “kumeso avakulwane jenyi.”
