Isaya 25:1-12
25 Ove Yehova, ove yove Kalunga kami,Nangukutohwesanga, nangwalisanga lijina lyove,Mwomwo unalingi vyuma vyakukomwesa,+Vyuma vize wajinyine kushikulu,+Unavilingi mwomwo yakushishika chove.+
2 Unalingisa nganda kupwa mulumba wamalolwa,Unalingisa nganda yakujingulwisa kembwe kupwa malala.Nganda yavaka-mafuchi eka yauchiko jino.Kaveshi kukayitungulula chekako.
3 Shikaho vatu vangolo navakakutohwesanga.Nganda yavaka-mafuchi vaukenya nayikakwivwanga woma.+
4 Mwomwo unapu uchihela chakukola chakuswama vaka-kukalikiza,Uchihela chakukola chakuswama vaka-kuhutwa halwola lwaluyando,+Unapu uchihela chakuswama vula yamishilinjinji,Umuvule wakuswama musana.+Uchihela chakuswama vaka-kuhutwa omu vikenya navavevwila matoto kwijiva nge vula yamishilinjinji yize nayiliveta hambango.
5 Unaunjisa liuya lyavatu vakumafuchi eka,Ngana mwamusana wakaza uze vanaunjisa mulifuchi lyaumu.Unaholesa vaka-ulyanyi vaze vali nakwimba mwaso,Nge omu livwi naliunjisa musana.
6 Yehova wamayongomena mwakawahishila vatu veka naveka chiwanyino hapili yino,+Mwakavawahishila chiwanyino chavyakulya vyamwaza,+Chiwanyino chavinyo vyamwaza,*Chiwanyino chavyakulya vize vili nausongosongo,Chiwanyino chavinyo vyamwaza vanatutu kanawa.
7 Hapili yino hakiko mwakafumishila* chiwuva chize chinafwiki vatu veka naveka vosena,Nalihina lize linafwiki vaka-mafuchi osena.
8 Mwata Wakulitulaho Yehova mwakamina* kufwa haya myaka yosena,+Mwakahunda masoji kumeso avatu vosena.+Kutoleka chize vanatolekanga vatu jenyi mwakachifumisa hamavu hosena,Mwomwo Yehova nahanjikamo lyehi.
9 Halikumbi lize navakamba ngwavo:“Talenu! Ou ikiye Kalunga ketu.+Ikiye tunatalililanga,+Kaha mwatulwila.+Ou ikiye Yehova,Ikiye tunatalililanga.Tulisambenu, tuwahililenu mwomwo yaulwilo wenyi.”+
10 Livoko lyaYehova nalipwanga hapili yino,+Kaha Mowave navakayilyatangila,+Nge omu navalyatangila mwila upwenga wilo.
11 Mwakaveta Mowave mbandaNge omu mutu mwakapa mavoko enyi hameya mangana ahale.Mwakaveta Mowave namavoko enyi,+Kaha mwakayinyisa.
12 MwakashiulaNganda yayo yakujingulwisa jikembwe jajisuku,Mwakayipuzula nakuyilindumwina hamavu.
Kwinyikila Chamwishi
^ Chipwe “chavinyo vyahavisele.”
^ Hepe., “mwakaminyina.”
^ Chipwe “mwakafumisako.”
