Isaya 27:1-13
27 Halikumbi lize, Yehova mwakambata poko yenyi yamukwale yayinene,+ yakuvambuka,Mwakakatukila Levyatane,* linoka wajimbushi,Mwakakatukila Levyatane, linoka uze eji kulijinganga,Mwakajiha uze kanyama wamunene wamukalungalwiji.
2 Halikumbi lize, namukemba mwaso ngwenu:“Ove wande wamivinyo wakulovola vinyo.+
3 Ami Yehova, yami ngweji kukukinganga,+Ngweji kukutukumwinanga meya lwola lwosena.+Ngweji kukukinganga ufuku namusana,Kuchina navakwenyeka.+
4 Kangweshi nakulundunduko.+Iyaze mweza namingonga navimwila mangana alwenga jita nayami?Nanguvilyatangila vyosena nakuviswamika kakahya.
5 Mutu kana alinjilile kuchihela chami chakukola,Ezenga mangana alivwasane nayami.Alivwasane nayami mangana atwame mukuunda.”
6 Kumakumbi akulutwe, Yakova mwakajika miji,Isalele mwakafukula jitemo nakwima.+Kaha navakazalisa hamavu namihako yavo.+
7 Uno vamuvete nge omu navaveta ou mwamuveta nyi?Uno vamujihe nge muze vanajihi vatu jenyi nyi?
8 Mwakalipika nenyi hakumuhanga naluvila lwakwivwisa woma.Mwakamuhanga nakulundundu yayinene halikumbi lyapeho yakumututuko.+
9 Ngocho kuhenga chaYakova navakachifwika,+Omu navakafumisako shili yenyi, evi vikiko vyuma navikafumaho:Mwakachika malolwa osena alijiko lyakulumbila chikichiki,Nge muze navachika miunga yapemba,Kakweshi kukasala jipanda jajila jamitondo* chipwe vitumbikilo vyavyuma vyalivumba lyamwazako.+
10 Nganda yakukingiwa nayikasala yamupolongwa.Maulilo avimuna navakawaseza nge pambo.+Vana vavangombe navakalilangamo nakuutamangamo,Kaha navakalyanga mitango yamunganda kana.+
11 Omu nayikoma mitango yayo,Mapwevo navakezanga nakuyihokwojola,Nakuyitenga jikunyi.Mwomwo vatu kana kavanangakanako.+Shikaho Tengi yavo keshi kukavevwila kekeko,Ou avatengele keshi kukavevwila uselewako.+
12 Enu vaIsalele,+ halikumbi lize Yehova mwakamikungulwila hamwe. Mwakamikungulula enu muvosena vanamwangila kuvihela vyakuKalwiji* wamuta swi nakuMwanakalwiji* wakuEjipitu,+ nge omu mutu mwakungulwila hamwe mihako naulumuna kumutondo.
13 Halikumbi lize, navakemba luneta lwalunene,+ kaha vaze vali nakunongela mulifuchi lyaAsulya,+ navaze vanalimwangila mulifuchi lyaEjipitu+ navakeza nakulifukula kuli Yehova, kupili yajila muYelusalema.+
Kwinyikila Chamwishi
^ Tala Mukana waMazu.
^ Tala Mukana waMazu.
^ Ikiye Yufwalate.
^ Tala Mukana waMazu.
