Isaya 31:1-9
31 Lamba kuli vaze navaya kuEjipitu mangana ngwavo vakavakafwe,+Vaze vanajiki michima yavo hatuvalu,+Vaze vanafwelela matemba ajita mwomwo ngwavo anavulu,Nakufwelela nawa tuvalu vajita* mwomwo ngwavo vakujikiza,Kavafwelelele Ou Wajila waIsaleleko,Kaha nawa kavamutondele Yehovako.
2 Oloze naIkiye apwa wamangana, kaha mwakaneha lupi,Mwakatesamo mazu enyi nahanjika.Mwakakatukila vaka-kupihisa vosena,Navaze veji kukafwanga vaka-kuhengesa.+
3 VaEjipitu vanapu vatu kaha, kavapwa nge Kalungako.Tuvalu twavo vanapu vakumujimba keshi vakushipilituko.+Omu Yehova mwakolola livoko lyenyi havatu,Weshowo mwakavakafwa mwakaholoka.Kaha weshowo navakakafwa mwakalimbuka.Vosena navakanonga halwola lwolumwe.
4 Yehova nambe kuli ami ngwenyi:“Nge omu mwevu wandumba wangolo mwanganyina kanyama wamukoka,Nakuzeneka kwivwa woma mazu alizavu lyatufunga,Chipwe kuchina liuya lyavoOmu naveza mangana ngwavo vamuhange,Mukiko mwakalinga naYehova wamayongomena hakulwa jitaMangana akinge Pili yaZeyone namulundu wayo.
5 Yehova wamayongomena mwakakinga Yelusalema+ nge muze kajila mwashikumuka nakukinga vana venyi.Mwakayikinga nakuyilwila.Mwakayiyovola nakuyipululula.”
6 “Enu vaIsalele,+ kindulukenu kuli Ou mwalikangile.
7 Mwomwo halikumbi lize, mutu himutu mwakakana tulunga twenyi vamokomoko vapalata, navava vaulu vaze atengele namavoko enyi mangana alinge shili.
8 VaAsulya navakalindumuka kupoko yamukwale yize kayapwa yamutuko,Poko yamukwale yize kayapwa yavatuko yikiko nayikavanongesa.+Navakachina mwomwo yapoko yamukwale,Vakweze javo vamalunga navakavazachisa milimo yaundungo.
9 Mutu uze vafwelela kupwa nge lilolwa lyavo lyakukola mwakatoka mwomwo yawoma,Vilolo javo navakalizuzukila mwomwo yachitondo chachinjikizo.” Omu mukiko mwanambe Yehova,Uze ali namumunyi* wavo muZeyone, nalilungu lyavo lyakakahya muYelusalema.
