Isaya 33:1-24
33 Lamba kuli ove muka-kunongesa vanazeneka kunongesa.+Ove muka-kumbembejeka vanazeneka kumbembejeka.Omu naukumisa kunongesa, nayove navakunongesa.+Omu naukumisa kumbembejeka, nayove navakumbembejeka.
2 Ove Yehova twivwile uselewa,+Etu twatalilila kuli ove.Tukundwize nalivoko*+ lyove chimene hichimene,Pwako umulwilo wetu mulwola lwavihuli.+
3 Vatu veka naveka veji kuchinanga hakwivwa lizu lyove.Vaka-mafuchi veji kulimwanganga omu weji kukatukanga.+
4 Luheto lwenu navakalukungulwila hamwe nge muze vambimba mavongolo navalikungulwila hamwe.Vatu navakaluzukukila nge vambimba makumbi.
5 Yehova navakamutohwesa,Mwomwo atwama mwilu.Mwakaneha chiyulo nakwoloka muZeyone.
6 Ikiye muka-kuzamisa mumakumbi enu,Ulwilo,+ namangana, nachinyingi, nakumwivwa Yehova woma,+Vinapu luheto lwenyi.
7 Talenu! Vindume javo vali nakulila mujila,Valuwa vakuneha kuunda vali nakumbolojoka.
8 Jijila jajinene vanajiseze,Naumwe wauchi ali nakutambuka mujijila.Muka-kole nahokola chivwasano,Nahungu jinganda.Kavumbikile mutu numba umweko.+
9 Lifuchi lili nakulishona,* lili nakunonga.Levanone yinevu sonyi,+ yinalyenyeka.Shalone nafwane nge likundu,Mbashane naKalamele yinahulula mafwo ayo.+
10 Yehova nambe ngwenyi, “Nangukatuka jino,Nangulizezula jino,+Nangulitohwesa jino.
11 Namwimita mwila wakuma nakusema visachi.Vishinganyeka vyenu navikamilya nge kakahya.+
12 Vatu veka naveka navakapwa nge uto wapemba.Navakavocha nakakahya nge omu navocha mingonga yize vanatete lyehi.+
13 Enu mwatwama kwakusuku, ivwenu vyuma nangulinga.Kahenu mwatwama mwakamwihi, tachikizenu ngolo jami.
14 Vaka-shili muZeyone vanalizuzukila nawoma.+Vaka-kulikanga kuli Kalunga vanalichikimina nakwamba ngwavo:‘Iyaze hali etu mwatwama kuno kuli kakahya kakunongesa?+Iyaze hali etu mwatwama kwakamwihi namilangi vazeneka kujima?’
15 Jino mutu uze eji kutambukanga lika mukwoloka,+Uze eji kuhanjikanga vyuma vyamuchano,+Nakukana nganyo yakuwana mujila yalizangamina,Uze eji kukananga kutambula maswekeza,+Nakukana kwivwilila kuvihande vyakusaka kumwanga manyinga,Uze eji kupeulanga meso enyi kuchina mwamona vyuma vyavipi,
16 Mwakatwamanga helu hakuzandama.Uchinyino wenyi naukapwanga kuvihela vyakukola,Navakamuhananga vyakulya,Meya enyi kaweshi kukakumako.”+
17 Meso enu nawakamona mwangana muupahu wenyi,Nawakamona lifuchi hahasuku.
18 Chumechi chakwivwisa woma namukachanuka* mumichima yenu ngwenu:“Muka-kusoneka ali kulihi?Uze apezalishilenga milambu ali kulihi?+Uze alavilenga tuposhi ali kulihi?”
19 Kamweshi kukamona cheka vatu vakasautuko,Vatu vakwechi lilimi lyalikalu kwivwa,*Vaka-kukukuma vaze kamweshi kuhasa kwivwa vyuma navahanjikako.+
20 Talenu Zeyone, nganda yakulingila viwanyino vyetu!+Meso enu nawakamona Yelusalema kupwa hichihela chakuunda,Mbalaka yize kaveshi kukanungululako.+Jimbambo jayo kaveshi kukajijikululako,Kaha mikole yayo kaveshi kukayivatulako.
21 Oloze Yehova, Ou Wamulemu,Mwakapwanga nge tulwiji, nge tupila vavanene vakutukinga,Muze kamweshi kukahita visepeko,Muze kamweshi kukahita mato amaneneko.
22 Yehova ikiye Muka-kutuyula,+Yehova ikiye Muka-kutuhana jishimbi,+Yehova ikiye Mwangana wetu.+Ikiye mwatulwilanga.+
23 Mikole yavaka-kole jenu nayikambwembwela.Kayeshi kukakwikila chitondo chakuwato chipwe kutanduula lihina lyakutambukisa watoko.Halwola luze, navakalipangila vyuma vyakupukula vyavivulu.Navitonji navakambata vyuma vyavivulu vyakupukula.+
24 Mulifuchi lize kamweshi kukapwa mutu mwakamba ngwenyi: “Nguli nakukola.”+Mwomwo vatu vaze navakatwamangamo navakavakonekela jishili javo.+
Kwinyikila Chamwishi
^ Chipwe “nangolo.”
^ Chipwe pamo, “lili nakuma.”
^ Chipwe “namukachishinganyeka.”
^ Hepe., “lilimi lyakujiminyina.”