Isaya 34:1-17
34 Enu vaka-mafuchi, pandamenu kuli ami mwivwilile,Enu vatu veka naveka, ivwililenu.Lifuchi navyuma vyatwamaho vivwilile,Mavu navyuma vyosena vyasokaho nawa vivwilile.
2 Mwomwo Yehova nakwachila vaka-mafuchi osena kulundundu,+Nakwachila matoto mazavu avo avaka-jita osena.+Mwakavanongesa vosena,Mwakavajiha.+
3 Vafu javo navakasala muweluka,Livumba lyavivimbi javo nalikayangilila.+Jipili najikayengunuka mwomwo yamanyinga avo.*+
4 Mayongomena amwilu osena nawakapola,Kaha melu navakawavunga nge omu navavunga mukanda wakuvunga.Mayongomena awo osena nawakazuza nakuholoka,Nge omu naliholoka lifwo lyakuzuza kumuvinyo,Nge omu naluholoka lukuyu lwakuma kumukuyu.
5 “Mwomwo poko yami yamukwale nayikazova namanyinga mwilu,+Nayikeza hali vaEtome nakuvazangamisa,+Nayikeza hali vatu vaze nangukanongesa.
6 Yehova ali napoko yamukwale, nayikazova namanyinga.Nayikazova namanyinga avizamba jamikoko navapembe,Yosena nayikapwa namaji.+Nayikapwa namaji akujiso javizamba jamikoko.Mwomwo Yehova mwakavatula vimuna muMbozola,Mwakajiha vimuna vavavulu mulifuchi lyaEtome.+
7 Vangombe vamuchipapa navakaya nakufwila navo hamwe,Mavuvu javangombe navakaya nakufwila hamwe navakuji javangombe.Lifuchi lyavo nalikazala namanyinga.Mavu nawakazova namaji.”
8 Yehova ali nalikumbi lize mwakalinga sambanjinga kuli vaka-kole jenyi,+Mwaka wakuvashishishilamo mangana akalwile Zeyone.+
9 Tulwiji twayo* navakazala ukokotwa,Lukungu lwayo nalukalumuka kupwa sulufulu,Kaha mavu ayo nawakapwa nge ukokotwa unakwate kakahya.
10 Mavu ayo nawakenyanga nakakahya ufuku namusana.Wishi wayo naukafwindasananga haya myaka yosena.Nayikapwanga ngundu kuchisemunwino hichisemunwino.Kamweshi kukahita mutuko haya myaka namyaka.+
11 Namukatwamanga mambondo navisekele,Namukapwanga vikungulu namakololo.Kalunga mwakayipima namukole wakupimisa kupwa chinjikizo chakusolola nge nayikapwa yamupolongwa,Mwakayipima nalungoji lwakupimisa lwakuzezalala* kupwa chinjikizo chakusolola nge nayikapwa ngundu.
12 Vatu jayo vavalemu kaveshi kuvaswanyisa hawanganako,Vilolo jayo vosena kaveshi kukapwako chekako.
13 Mingonga nayikasoka mutuposhi twayo vakukola,Kanyungi namwila wakutuvana navikasoka muvihela vyayo vyakukingiwa.Nayikapwanga liuku lyavamyumbwe,+Nayikapwanga chipango chavanyamalanda.
14 Tunyama vamulikundu navakaliwanyinamo natunyama vakuwoza,Vapembe vamuchipapa* navakasanyikilangamo vakwavo.Vimbamba navakatwamangamo nakuwana kwakunokela.
15 Manoka vajimbushi navakatungilamo maswa nakumbililamo maulu,Kaha navakawatota nakukinga vana vavo.Viselele navakalikungulwilamo, chilunga nachihwevo, chilunga nachihwevo.
16 Hehwojolenu mumukanda waYehova mutange nalizu lyakukanguka.Kakweshi kukapwa umwe mwakalihonahoko,Kakweshi kukapwa umwe mwakazeneka chihwevo chipwe chilungako.Mwomwo Yehova ikiye nahanjikamo,Ikiye navakungulwila hamwe nashipilitu yenyi.
17 Ikiye nazachisa tutachikijilo hali vakiko,Livoko lyenyi likiko linapimi vihela vyavo vyakutwamamo.*Navakaviheta haya myaka yosena.Navakatwamangamo muvisemunwino vyavo vyosena.
Kwinyikila Chamwishi
^ Chipwe “najikambwambumuka namanyinga avo.”
^ Pamo kulumbununa Mbozola, nganda yayinene yamuEtome.
^ Hepe., “Mwakayipima namalolwa.”
^ Chipwe pamo, “Vandemone vakufwana nge vapembe.”
^ Hepe., “likiko linavapangila vihela namukole wakupimisa.”
