Isaya 39:1-8
-
Valuwa kufuma kuMbavilone (1-8)
39 Jino mwangana waMbavilone Melotake-mbalatane mwanaMbalatane atumine mikanda nawana kuli Hezekiya+ mwomwo evwile ngwavo Hezekiya apwile nakuviza, kaha nalikangula.+
2 Hezekiya atambwile nachisambo* vaze vanehele mikanda, kaha avalwekesele vyuma vyosena vyamuze alaminyinenga vikumba.+ Avalwekesele palata, naulu, namaji ambalasamu, namaji eka andando yayinene, nazuvo yenyi yakulamina vyuma vyajita, navyuma vyosena vize vyapwile muze alaminyinenga vikumba vyenyi. Kakwapwile chuma numba chimwe azenekele Hezekiya kuvalwekesa muzuvo* yenyi chipwe muwangana wenyiko.
3 Kapolofweto Isaya ejile kuli Mwangana Hezekiya, kaha amwihwile ngwenyi: “Vaze malunga vafumanga kulihi, kaha vakulwezanga ika?” Hezekiya amukumbulwile ngwenyi: “Vafumanga kulifuchi lyakwakusuku, kuMbavilone.”+
4 Amwihwile cheka ngwenyi: “Vyuma muka vamonanga muzuvo* yove?” Hezekiya amukumbulwile ngwenyi: “Vamonanga vyuma vyamuzuvo* yami vyosena. Kakweshi chuma numba chimwe ngwazenekanga kuvalwekesa muze ngweji kulaminanga vikumbako.”
5 Jino Isaya ambile kuli Hezekiya ngwenyi: “Yehova wamayongomena nambe ngwenyi,
6 ‘Tala! Makumbi ali nakwiza omu vyuma vyamuzuvo* yove vyosena navize vakungulwile vakakuluka jove navakavimbata nakuvitwala kuMbavilone. Kakweshi chuma numba chimwe nachikasalahoko.’+ Omu mukiko mwanambe Yehova.+
7 ‘Kaha vana vove vamwe naukasema navakavambata, kaha navakapwanga vilolo kuzuvo yamwangana waMbavilone.’”+
8 Ngocho Hezekiya ambile kuli Isaya ngwenyi: “Mazu nahanjika Yehova anawahe.” Kaha ambile cheka ngwenyi: “Mwomwo vatu navatwamanga mukuunda nakupwa vakukingiwa* hamakumbi akuyoya chami.”+
Kwinyikila Chamwishi
^ Hepe., “evwililile kuwaha.”
^ Chipwe “munganda.”
^ Chipwe “munganda.”
^ Chipwe “vyamunganda.”
^ Chipwe “vyamunganda.”
^ Chipwe “mukuunda namumuchano.”
