Isaya 42:1-25
42 Talenu! Ngamba yami+ ou ngweji kukafwanga.Ou ngwasakula,+ ou ngweji kwivwilanga kuwaha.+Ngunamuhane shipilitu yami.+Mwakayulanga vaka-mafuchi mwachiyulo.+
2 Keshi kukateta miteto chipwe kukatambakanako,Kaha lizu lyenyi kalyeshi kukevwakana mujilako.+
3 Keshi kukachika lihongo lyakufunyukako.Keshi kukajima wanda uze uli nakufwinda wishiko.+Mwakaneha chiyulo chakwoloka mwomwo yakushishika chenyi.+
4 Keshi kukafuvalala, chipwe kufunyukako palanga nomu mwakazamisa chiyulo chakwoloka hamavu.+Matungu nawakavandaminanga jishimbi* jenyi.
5 Yehova Kalunga wamuchano,Ou atengele melu, Ou wamulemu awatanduwile,+Ou atanduwile mavu nakusokesa vyuma vyatwamaho,+Ou eji kuhananga kuhwima kuvatu vatwamaho,+Nakuhana shipilitu kuli vaze veji kutambukangaho,+ nambe ngwenyi:
6 “Ami Yehova, yami ngwakusanyikile mukwoloka.Ngunakukwachilila kulivoko lyove.Nangukukinga nakukuhana upwenga nge ulushiko kuli vatu,+Upwenga nge umusana kuli vaka-mafuchi,+
7 Mangana ukatonese meso atupuputa,+Nakusokola vafunge mukamenga,Nakufumisa vaze vali mukamenga, vaze vali mumilima.+
8 Ami yami Yehova. Eli likiko lijina lyami.Kangweshi kuhana upahu wami kuli mutu wekako,*Chipwe kuhana ulemu wami kumakombelo akusongako.+
9 Talenu, vyuma vyakulivanga vinalingiwa lyehi.Oholyapwa nguli nakuvilika vyuma vyavihya.Ngweji kumilwezangavyo shimbu kanda visoloke.”+
10 Enu mweji kushikumukanga mukalungalwiji nayenu mwatwamamo muvosena,Enu matungu nayenu vatu mwatwamaho,+Mwimbilenu Yehova mwaso wauhya,+Mwimbilenu nakumwalisa kujisongosongo jamavu josena.+
11 Pambo najinganda jajingulukako vitambakane,+Namembo avaKetale+ atambakane.Vaze vatwama kulilolwa valikuwe.Vatambakanyine helu lyajipili.
12 Vamutohwesenga Yehova,Vamwalisenga kumatungu.+
13 Yehova mwakalovoka nge chindume.+Mwakasangumuna twima yenyi nge muka-kwasa jita.+Mwakavilika luvila lwajita.Mwakalisolola kupwa wangolo chikuma kuhambakana vaka-kole jenyi.+
14 “Ngunaholonga kulu halwola lwalusuku.Ngunalihulikanga kulu nakulikanyisa yami ivene.Nangulyonyinga, nakuhwimasana, nakutesukilaNge pwevo uze ali nakusapuluka.
15 Nangukashiula jipili jajinene najeji jajindende,Nangukomisa vyuma vyasokaho vyosena.Nangukalingisa tulwiji kupwa matungu,Nangukomisa vijiva vyameya.+
16 Nangukatwaminyina tupuputa mujila yize kavatachikizako.+Nangukavatambukisa mujijila jize kavejivako.+Nangukavalingisa vakamone musana mukutela kumona milima,+Nangukasalamisa ngalila yamilundu milundu.+Evi vikiko nangukavalingila, kaha kangweshi kukavambilako.”
17 Vaze vafwelela makombelo akusonga,Navaze veji kwambanga kumakombelo akuzuzulula ngwavo: “Enu yenu tulunga twetu,”+Navakavakindulwisa, kaha navakavevwisa sonyi.
18 Enu tujika matwitwi, ivwililenu.Enu tupuputa, tonenu mumone.+
19 Iyaze napu kapuputa nge muze apwa ngamba yami?Iyaze napu kajika matwitwi nge muze apwa muluwa uze ngunatumu?Iyaze napu kapuputa nge muze apwa uze vanafwete?Iyaze napu kapuputa nge muze apwa ngamba yaYehova?+
20 Weji kumonanga vyuma vyavivulu oloze kaweshi kunyingililako.Weji kujikulanga matwitwi ove oloze kaweshi kwivwililako.+
21 Yehova asaka kuzezula jishimbi* nakujilingisa kupwa jajilemuMwomwo yakwoloka chenyi.
22 Ava vakiko vatu vanapupu nakupukula.+Vosena vanavasokelela mumena nakuvasweka mutumenga.+Vanavapupu chakuzeneka mutu wakuvalwila,+Vanavapukula, kaha naumwe wauchi nambe ngwenyi: “Vakindulwisenu!”
23 Iyaze hakachi kenu mwevwa chumechi?Iyaze mwatengeleka matwitwi enyi nakwivwilila vyuma vize navikamukafwa kulutwe?
24 Iyaze nahane Yakova mangana vamupukule?Iyaze nahane Isalele kuli vaka-kupupa?Yehova uze vavulumwine mulonga,Uze ukwechi jijila jenyi jize vakanyine kukavangiza,Uze ukwechi jishimbi* jenyi jize vakanyine kwononoka, ikiye navahane.+
25 Ngocho avakwachilile utenu,Namatoto nakulundundu yandombo yenyi.+Kakahya kandombo yenyi kenyekele vyuma vyavo vyosena, oloze kavahakileko manganako.+Kaha kavepukilile, oloze kavahakileko muchimako.+
Kwinyikila Chamwishi
^ Chipwe “jindongi.”
^ Chipwe “Kangweshi kulipangila upahu wami namutu wekako.”
^ Chipwe “jindongi.”
^ Chipwe “jindongi.”
