Isaya 46:1-13
46 Mbele nanongama,+ Nevo nafukama.Makombelo avo vanawahake hatunyama vakumbata viteli,+Anapu nge viteli vinalemuwisa tunyama vaze vanazeye.
2 Vosena vananongama, vanafukama.Kaveshi kuhasa kuyovola viteli vyavoko,*Kaha vanayi muufunge.
3 “Ngwivwililenu, enu vakuzuvo yaYakova, enu muvosena munasale kuzuvo yaIsalele,+Enu ngunavelekanga nakukafwa kufuma kukusemuka chenu.+
4 Kangweshi kukalumukako nomu namushinakajiwa.+Nangumivelekanga palanga nomu namukapwa najivwi.Nangumimbatanga, nangumizundulanga nakumiyovola nge muze ngunalinginga.+
5 Kuli iya namungufwanyisa?+Kuli iya namungwesekesa ou ngunahase kulifwana nenyi?+
6 Kuvali vaze veji kusukumunanga ulu mujingonga javo.Kaha veji kupezalisanga palata havipezaliso.Veji kukambanga fuli, kaha himwavitenga kupwa kalunga kavo,+Ngocho hinavalifukula kuli ikiye nakumulemesa.*+
7 Veji kumumbatanga havifwiji vyavo.+Veji kumutwalanga nakumutumbika muchihela chenyi, kaha eji kwimananga vene muze.+Keshi kufuma muchihela vanamutumbikako.Veji kutetanga kuli ikiye, oloze keshi kuvakumbululako.Keshi kuhasa kuyovola mutu muukaluko.+
8 Enu vaka-kuzombwojoka jishimbi, likolezezenu, anukenu chumechi.Chilamenu mumichima yenu.
9 Anukenunga vyuma vyakushikulu,*Ngwenu ami yami Kalunga, kakweshi wekako.Ami yami Kalunga, kakweshi weka wakufwana nge yamiko.+
10 Kufuma vene kumaputukilo, ngweji kwambululanga vyuma vyakulutwe,Kufuma kushikulu ngweji kwambululanga vyuma vize kanda visoloke.+Ngweji kwambanga ngwami, ‘Vyuma ngunajinyi navikalingiwa,+Nangukalinga vyeshovyo ngunasake.’+
11 Nangusanyika kajila wakulya nyama kufuma kumututuko,+Nangusanyika mutu kulifuchi lyakwakusuku mangana alinge vyuma ngunajinyi.+Ngunachihanjika lyehi, kaha nangukachitesamo.Ngunachijinyi lyehi, kaha nangukachilinga.+
12 Ngwivwililenu, enu vatu vakukakama michima,Enu muli kwakusuku nakwoloka.
13 Ngunanehe kwoloka chami mwakamwihi.Kacheshi kwakusukuko,Kaha ulwilo wami kaweshi kushimbulako.+Nanguneha ulwilo muZeyone, naukelenga wami kuli vaIsalele.”+
Kwinyikila Chamwishi
^ Kulumbununa, makombelo aze vanambachila hatunyama twavo.
^ Hepe., “nakumufukamina.”
^ Hepe., “vyakulivanga.”
