Isaya 47:1-15
47 Ove mwanapwevo Mbavilone,+Shikumuka utwame mulukungu.Ove mwana vaKalateya wapwevo,Twama hamavu haze hanazeneka litanda lyawangana.+Mwomwo vatu kaveshi kukakuvuluka cheka ngwavo uwamwaza, ngwavo umuka-kutwama muuhandoko.
2 Mbata lilolwa lyakuchekesa unga ucheke unga.Lifumise chiwuva kumeso ove.Lizule chifunga chove, likambule kumahinji ove.Zauka tulwiji.
3 Naukasala uselesele.Navakamona usonyi wove.Nangukakulinga sambanjinga,+ kaha naumwe wauchi mwakanguhonesa.*
4 “Ou mwatusokolaLijina lyenyi ikiye Yehova wamayongomena,Ikiye Wajila waIsalele.”+
5 Ove mwana vaKalateya wapwevo,+Twama kulu, ingila mumilima.Kaveshi kukakuvuluka cheka ngwavo uLisano waMawanganako.+
6 Ngwakwachilile matoto vatu jami.+Ngwajilulwile uswana wami,+Ngwavahanyine mumavoko ove,+Oloze kawavateteleleko.+Walemuwishile natushinakaji natoka yove.+
7 Wambile ngwove: “Nangupwanga nguLisano haya myaka yosena.”+Kawalamine vyuma kanevi mumuchima woveko.Kawashinganyekele omu nachikakumina chihande kanechiko.
8 Ivwa jino chumechi, Ove muka-kuzanga viseke,+Ove watwama mukuunda, ove weji kulyambanga mumuchima wove ngwove:“Ami yami wamulemu, kakweshi wekako.+Kangweshi kukapwa ngutuliweko.Kangweshi kukatokesa vana vamiko.”+
9 Oloze vyumevi vivali navikeza hali ove mukukasumuna, mulikumbi lyangongo:+Naukatokesa vana vove, naukapwa nawa utuliwe.Vyuma kanevi navikakulendumukila+Mwomwo yavilinga* vyove vyakupanda navisava vyove vyangolo.+
10 Wafwelelele muvilinga vyove vyavipi.Wambilenga ngwove: “Naumwe mwangumona wauchi.”Mangana nachinyingi chove vikiko vyakuhungumwishile.Kaha weji kwambanga mumuchima wove ngwove: “Ami yami wamulemu, kakweshi wekako.”
11 Oloze ukalu naukakuwana,Visava vyove kavyeshi kukahonesa ukalu kanako.Vihuli navikeza hali ove, kaha kaweshi kukahasa kulihendavyoko.Lupi luze kawatachikizako nalukakuwana mukukasumuna.+
12 Twalaho lika navisava vyove, navilinga vyove vyakupanda+Vize unalinginga kufuma kuukweze wove.Pamo naunganyalilaho vimwe,Pamo naukomwesa vatu.
13 Vaka-kukulweza mangana vanakwivwisa chipekete.Vaze veji kulemesanga vyuma vyamwilu,* vaze veji kushishikanga vatanganyika,+Vaze veji kulumbununanga chinyingi hakumweka chakakweji,Chinyingi chavyuma vize navikeza hali ove,Vemane jino mangana vakulwile.
14 Vanapu nge visachi.Kaha kakahya nakavocha.Kaveshi kuhasa kulilwila vavene* kumilangi yakakahyako.Mwomwo kayeshi nge makala akakahya aze nawevwisa mutu yukuko.Kayeshi nge kakahya kaze mwahasa mutu kutwamakoko.
15 Ngocho omu mukiko navakapwa navatu jove vaka-kupanda,Vaze unahundangananga navo kufuma kuukweze wove.Navakalimwanga mutu himutu nakwenyi,*Kaha kakweshi kukapwa ou mwakakulwilako.+
Kwinyikila Chamwishi
^ Chipwe pamo, “kaha kangweshi kukatetela mutuko.”
^ Chipwe pamo, “Chamokomoko navilinga.”
^ Chipwe pamo, “Vaze veji kuhandununanga melu; Vaka-kuzachisa vatanganyika.”
^ Chipwe “kulwila myono yavo.”
^ Hepe., “mutu himutu kungalila yenyi.”