Isaya 49:1-26
49 Enu matungu, ngwivwililenu,Enu mafuchi akwakusuku,+ tengelekenu matwitwi enu.Yehova angusanyikile shimbu kanda ngusemuke.*+Avulukile lijina lyami shimbu ngwapwile mujimo lyamama.
2 Alingishile kanwa kami kupwa nge poko yamukwale yakuvambuka.Anguswekele mumuvule walivoko lyenyi.+Angulingishile kupwa nge mwivwi uze vanavambula.Anguswekele mumusakali wenyi.
3 Angwambile ngwenyi: “Ove Isalele,+ unapu ungamba yami,Nangusolola ukelenga wami kuhichila muli ove.”+
4 Ngwambile ngwami: “Ngunafulyangila tuhu chawana.Ngolo jami jinayi mwamokomoko, mwanganavene.Oloze Yehova ikiye mwanguyula,Kalunga kami ikiye mwangufweta.”+
5 Jino Yehova uze angutengele mujimo lyamama mangana ngupwenga ngungamba yenyi,Nangulweze ngwenyi ngukindulwise Yakova kuli ikiye,Mangana vaIsalele vavakungulwile kuli ikiye.+Navakangutohwesa kumeso aYehova,Kaha Kalunga kami ikiye mwakapwanga ngolo jami.
6 Jino ambile ngwenyi: “Kaweshi kaha ungamba yamiWakukungulula miyachi yaYakovaNakukindulwisa vaze vasalile hali vaIsaleleko.Oloze ngunakuhane nawa kuli vaka-mafuchi eka+ kupwa umumunyi wavo,Mangana ulwilo wami ukahete nakusongosongo yamavu.”+
7 Yehova, ou Muka-kusokola Isalele, ou Wajila+ nambe kuli ou vanalumbilisa,+ ou vanahungu kuli vaka-mafuchi, ou apwa nawa ngamba yavaka-kuyula ngwenyi:“Vamyangana navakakatuka mwomwo yavyuma navakamona,Kaha vilolo navakafukamaMwomwo yaYehova ou wakushishika,+Ou Wajila waIsalele, ou nakusakula.”+
8 Yehova nambe ngwenyi:“Ngwakukumbulwile halwola lwakusolola uselewa,+Ngwakukafwile halikumbi lyaulwilo.+Ngwakukingilenga mangana ngukuhane kupwa nge ulushiko kuli vatu,+Mangana ukawahise cheka lifuchi,Ukalingise vatu vakaswane uswana wavo vasele.+
9 Ukalweze vafunge ngwove, ‘Lovokenu.’+Ukalweze vaze vali mumilima+ ngwove, ‘Lisololenu.’Kulya chavo navakachililanga kujijila,Maulilo avo nawakapwanga kujijila jize jinapundu lyehi.*
10 Kaveshi kukevwa zala chipwe lipwilako,+Likumbi chipwe musana kavyeshi kukavochako.+Mwomwo Ou muka-kuvevwila keke ikiye mwakavatwaminyina,+Kaha mwakavatwala kutuselwoke vameya.+
11 Jipili jami josena nangukajisalamisa nakupwa jila,Kaha jijila jami josena nangukajilundula.+
12 Vatu kana navakafuminyina kwakusuku,+Navakafuminyina kunote nakumulauko,Navakafuminyina kulifuchi lyaShinyime.”+
13 Enu melu, twenu jingunda, enu mavu, wahililenu.+Jipili jilisambe nakutwa jingunda.+Mwomwo Yehova navendejeka vatu jenyi,+Kaha nevwila keke vatu jenyi vakukalikiza.+
14 Oloze Zeyone ambilenga ngwenyi:“Yehova nangumbu nyima,+ Yehova nanguvulyama.”+
15 Kutala pwevo nahase kuvulyama mwanenyi wakumavele nyi?Kutala mwahona kutetela mwanenyi wakulisemena nyi?Numba nge ava mapwevo navavulyama, oloze ami kangweshi kukakuvulyamako.+
16 Ngunakusoneka mumavoko ami.Jikembwe jove jili kumeso ami lwola lwosena.
17 Vana vove navakakinduluka washiwashi.Vaze vakushiwile nakukwenyeka navakakwehuka.
18 Andula meso ove utale kwosena.Vosena vali nakulikungulwila hamwe.+Vali nakwiza kuli ove.Yehova nambe ngwenyi: “Nge omu ngwayoya tu,Naukalivwikavo vosena nge omu naulivwika vimbilingwa,Naukalisukejekavo nge omu eji kulisukejekanga mwenga.
19 Numba tuhu vihela vyove nalifuchi lyove vavyenyekele nakuviseza malala,+Oloze vatu vaze navakeza nakutwamamo namukavakehela,+Kaha vaze vakwenyekele+ navakapwanga kwakusuku nayove.+
20 Vana vaze vasemukile shimbu wapwile muushona navakamba ngwavo,‘Chihela chino chinatukehela.Tutohwesele chihela tutwamemo.’+
21 Kaha naukalyamba mumuchima wove ngwove,‘Iyaze ou nangusemena ava vana?Mwomwo vana vami vafwa lyehi, ami nawa lusemo lunakumu,Kaha nawa vangukwata ufunge.Iyaze nalele vana ava?+Nyi ava vana vanafumu kulihi+Okunyi ami ngwasalile ukawami?’”+
22 Mwata Wakulitulaho Yehova nambe ngwenyi:“Tala! Nanguzundwila vaka-mafuchi livoko lyami,Nangukatwila vatu veka naveka chinjikizo* chami.+Navakakunehela vana vove vamalunga mumavoko* avo,Navakakunehela vana vove vamapwevo havifwiji vyavo.+
23 Vamyangana navakakulamanga,+Kaha vilolo javo vamapwevo navakapwanga vandeji jove.Navakafukama chameso hamavu kuli ove+Nakulesa lukungu kumahinji ove,+Kaha naukatachikiza ngwove ami yami Yehova.Vaze vatalilila kuli ami kaveshi kukavevwisa sonyiko.”+
24 Kutala vatu vaze vanakwate lyehi kuli chindume vanahase kumutambulavo nyi?Kutala vafunge jachilyanyi vanahase kuvapululula mumavoko enyi tahi?
25 Yehova nambe ngwenyi:“Navafunge vaze vanakwate kuli chindume navakavatambula,+Kaha vaze vanakwate kuli chilyanyi navakavapululula.+Nangukemanyina nakole vaze veji kukwimanyinanga nakole,+Nangukalwila vana vove.
26 Nangukalingisa vaze veji kukuyanjisanga vakalye nyama yavo vavene,Navakapenda manyinga avo nge omu navapenda vinyo.Kaha vatu vosena* navakatachikiza ngwavo ami yami Yehova,+Yami Mulwilo wove,+ yami Muka-kukusokola,+Ou Wangolo waYakova.”+
Kwinyikila Chamwishi
^ Hepe., “shimbu ngwapwile mujimo.”
^ Chipwe pamo, “kujipili jakuzeneka mitondo.”
^ Hepe., “hajitulo.”
^ Chipwe “chitondo chachinjikizo.”
^ Hepe., “vakwechi mijimba vosena.”
