Isaya 5:1-30
5 Nangwimbila ou ngwazanga mwaso,Nangwimba mwaso wakuvuluka ou ngwazanga nawande wenyi wamivinyo.+Ou ngwazanga apwile nawande wenyi wamivinyo kupili yamavu awilo.
2 Aulimine nakufumisamo malolwa.Atumbilemo mivinyo yamwaza,Atungile kaposhi mukachi kawande kana.Afulilemo chikamwino chavinyo.+Kaha autalijijile mangana wimenga mihako yamwaza,Oloze wemine mihako yayipi.+
3 “Shikaho enu vatu vamuYelusalema namuYuta,Tuyulenu mumone ou napihisa hakachi kami nawande wami.+
4 Vyuma vyeka muka ngwatelanga kulinga kuwande wami wamivinyo,Vize kangwalingileko?+Ikaze unemina mihako yayipi,Okunyi ngwatalijizanga mihako yamwaza?
5 Manenu ngumilwezeVyuma nangulinga kuwande wami wamivinyo:Nangufumisako chipato,Kaha navawocha+Nangupuzula kembwe yawo yamalolwa,Kaha navaulyatangila.
6 Nanguuseza ulyenyeke.+
Kaveshi kuunonga chipwe kuusangulako,Nausoka vikwata navimwila,+Nangulweza mavwi azeneke kunokesamo vula.+
7 Wande wamivinyo waYehova wamayongomena yikiko zuvo yaIsalele,+Kaha vatu vamuYuta vanapu wande uze azangile.Atalililile chiyulo chakwoloka,+Oloze kwapwile chiyulo chakuhenga.Atalililile kwoloka,Oloze kwapwile miteto.”+
8 Lamba kuli vaze navanunga zuvo yimwe kuzuvo yikwavo,+Navaze navawanyisa wande umwe nawande ukwavo+Palanga nomu nakuzeneka kupwa fwashiKaha namutwama ukawenu mulifuchi.
9 Ngunevu omu nalishingi Yehova wamayongomenaNgwenyi jizuvo jajivulu numba jipwa jajinene kaha nawa jamwaza,Najikashiuka nakukomwesa vatu,Kajeshi kukapwa navatu vakutwamamoko.+
10 Jihekita jiwana jamivinyo nawakalovola mbate* yimwe kaha,Homele* yimwe yambuto nayikalovola lifwa*+ limwe kaha.
11 Lamba kuli vaze navahinduka chimenemene nakunwa wala,+Vaze navatwalaho namuze wi palanga nomu navazembela nawala.
12 Kuviwanyino vyavo vyakulya kuli tulyalya, navisaji vyamikole,Natungoma, najipanda, navinyo.Oloze kaveshi kushinganyeka havikilikita vyaYehovako,Kaha kaveshi kumona vyuma atenga namavoko enyiko.
13 Ngocho vatu jami navaya muufungeMwomwo yakuzeneka chinyingi.+Vatu javo vavalemu navafwa zala,+Kaha vatu javo vosena navafwa lipwila.
14 Fuka* yinatohwelako,Yinasama mukanwa kayo hululu.+Luvaji lwayo,* navatu jayo valiuya, navatu jayo vavyemaNavashikumukamo.
15 Vatu navakasauka,Navakavenyisa,Vatu vakulivwimba navakavenyisa.
16 Yehova wamayongomena navakamutohwesa mwomwo yakusopa nachiyulo.Kalunga wamuchano, Ou Wajila+ mwakalijilika ivene navilinga vyenyi vyakwoloka.+
17 Mikoko navakalilanga kuze kwijiva nge vali kumaulilo avo.Kaha vamwiza navakalilanga kuvihela kuze valilililenga vimuna vakununa.
18 Lamba kuli vaze veji kulikokelanga shili navilinga vyavo vyakutangisaNge muze kanyama eji kukokanga litemba namikole.
19 Lamba kuli vaze veji kwambanga ngwavo: “Ou Wajila waIsalele anguhwise kuzata milimo yenyi.Ayizate washi mangana tuyimone.Vyuma ajina vilingiwe,Mangana tuvitachikize.”+
20 Lamba kuli vaze veji kuvulukanga kuwaha ngwavo kupihya, kaha kupihya ngwavo kuwaha,+Vaze vamona milima ngwavo musana, kaha musana ngwavo milima,Vaze veji kwambanga vyavisasu ngwavo viyema, kaha viyema ngwavo vyavisasu.
21 Lamba kuli vaze valimona kupwa vaka-manganaNavaze valimona kupwa vakuzangama.+
22 Lamba kuli vaze veji kunwanga chikuma vinyo,Navaze vatachikiza chikuma kusunga wala wausasu,+
23 Lamba kuli vaze veji kutambulanga maswekeza+ mangana vasambise vaka-kuhukaNavaze veji kusopesanga vaka-kwoloka mujila yakuhenga.+
24 Navakanonga nge muze visachi navinonga namilangi yakakahya,Nomu mwila wakuma naunonga namilangi.Miji yavo nayikapola,Kaha jitemo javo najikafukumuka nge unga,Mwomwo vanakane jishimbi* jaYehova wamayongomenaVanaleununa mazu aYou Wajila waIsalele.+
25 Shikaho Yehova mwakevwila vatu jenyi matoto,Mwakolola livoko lyenyi nakuvanongesa.+Jipili najikalinyika,Vivimbi javo navakapwa nge swali mujijila.+Kulundundu yenyi kayatulileko mwomwo yavyumevi,Hanga nolwela livoko lyenyi mangana avavete.
26 Nakatwila vaka-lifuchi lyakwakusuku chinjikizo,*+Navasanyika namuloji vezenga kufuma kusongosongo yamavu.+Shikaho vali nakwiza washiwashi.+
27 Hakachi kavo kaheshi mutu nazeye chipwe nahukanako.Kaheshi mutu ali nakunongoka chipwe nasavala tuloko.Mihya yamujimbunda javo kavayikasunwineko,Kaha mihya yahamendelo avo kayasutukileko.
28 Mivwi yavo yinapu yakuvambuka,Kaha mata avo amanana akulema lyehi.Jisende jatuvalu twavo jakukola nge matale.Kaha tufumbo twamatemba avo tuli nakulaha nge peho yanyamanganda.+
29 Kutahwoka chavo chinapu nge chandumba.Veji kutahwokanga nge mwevu wandumba.+Navakatahwoka nakukwata kanyama.Navakamumbata nakuya nenyi, kaha kakweshi mutu mwakamupulululako.
30 Halikumbi lize navakavatahwokelaNge muze nawatahwoka meya amukalungalwiji.+Weshowo mwakatala kulifuchi lize mwakamona milima wi.Kaha musana naukalumuka kupwa milima mwomwo yamavwi.+
Kwinyikila Chamwishi
^ Tala Chihande B14.
^ Tala Chihande B14.
^ Tala Chihande B14.
^ Chipwe “Vatu jayo vavalemu.”
^ Chipwe “Sheyole,” kulumbununa fuka yavatu vosena. Tala Mukana waMazu.
^ Chipwe “jindongi.”
^ Chipwe “chitondo chachinjikizo.”
