Isaya 50:1-11
50 Yehova nambe ngwenyi:
“Uno nenu ngwamutwalile nakumuhana mukanda wakujiha ulo+ numba?Uno ngwamilanjishile kuli muka-mukuli wami numba?Vamilanjishile mwomwo yakuhenga chenu,+Nenu ngwamutwalile mwomwo yavilinga vyenu vyakuzombwojoka jishimbi.+
2 Mwomwo ika ngwazenekele kuwana mutu kuno omu ngwejile?Mwomwo ika kakwapwile mutu wakungukumbulula omu ngwasanyikile?+Uno livoko lyami lyalihi numba lizeneke kusokola numba?Uno kangweshi nangolo jakupulululako numba?+Talenu! Ngweji kutenukilanga kalungalwiji, kaha himwoma.+Ngweji kulingisanga tulwiji vapwenga likundu.+Vaishi vamutulwiji veji kupolanga mwomwo yakuhona meya.Veji kufwanga mwomwo yalipwila.
3 Melu ngweji kuwavwikanga milima,+Ngweji kuwavwikanga vikeleyi.”
4 Mwata Wakulitulaho Yehova nanguhane lilimi nge lyavaze vananguka,*+Mangana ngutachikize mazu amwaza akukumbulula* vaze vanazeye.+Eji kunguhindulanga chimene hichimene.Eji kunguhindulanga mangana ngwivwilile namatwitwi ami nge mwavava vananguka.+
5 Mwata Wakulitulaho Yehova najikula matwitwi ami,Kaha kangwalikangileko.+Kangwatalikishile mwekako.+
6 Ngwahanyine nyima yami kuli vaka-kunguveta.Ngwahanyine makili ami kuli vaze vangutukwile wevu.Ngwavechelele vangusaule nakungufwijila maleji kumeso.+
7 Oloze Mwata Wakulitulaho Yehova mwangukafwa.+Shikaho kangweshi kwivwa sonyiko.Shikaho ngunakanyamishila kumeso ami kwijiva nge litale,+Kaha ngunatachikiza ngwami kangweshi kusaukako.
8 Ou eji kunguvulukilanga kwoloka ali hakamwihi.Iya mwanguhana mulonga?*+Emane tulitalasane.Iya ali nachihande nayami?Ezenga kuli ami.
9 Mwata Wakulitulaho Yehova mwangukafwa.Iyaze mwangupayisa?Vosena navapulijeka nge uvwalo.Navavalya kutututu.
10 Iya hakachi kenu eji kwivwanga Yehova womaNakwivwilila mulizu lyangamba yenyi?+Iyaze atambukaho lyehi mumilima yayinene chakuzeneka mumunyi?Afwelele lijina lyaYehova nakupendamina hali Kalunga kenyi.
11 “Enu muli nakuwika kakahyaNakuchitwisa jisase muvosena,Tambukenu muchehya chakakahya kenu,Tambukenu mujisase jize munachitwisa.Omu mukiko nangukamizangamisa:Namukasavala hamavu nakulyonyinga.
Kwinyikila Chamwishi
^ Chipwe pamo, “akukolezeza.”
^ Chipwe “lilimi lyakunangula kanawa.”
^ Chipwe “mwalipika nayami?”
