Isaya 52:1-15
52 Ove Zeyone,+ Tona! Tona! Vwala ngolo.+Ove Yelusalema, ove nganda yajila, vwala uvwalo wove wamwaza.+Mwomwo muli ove kamweshi kukeza vatu vakuzeneka kujihana, vatu vamajiloko.+
2 Ove Yelusalema, litotomone lukungu, katuka utwame hachitwamo.Ove funge mwanapwevo Zeyone,+ lijitule malenge ali mushingo yove.
3 Mwomwo Yehova nambe ngwenyi:“Vakuhanyine hawana wakanyombo,+Kaha navakakusokola chakuzeneka jimbongo.”+
4 Mwomwo Mwata Wakulitulaho Yehova nambe ngwenyi:“Hakavanga vatu jami vayile kuEjipitu, vapwile vamwiza kuze.+Kufumaho vavayanjishile chawana kuli vaAsulya.”
5 Yehova nambe ngwenyi: “Jino nangulinga ngachilihi?Mwomwo vatu jami vavambachile hawana wakanyombo.Kaha vaze vali nakuvayula vali nakulitukwojola.”+ Omu mukiko mwanambe Yehova.“Veji kusaulanga lijina lyami lwola lwosena.+
6 Ngocho vatu jami navakatachikiza lijina lyami.+Halikumbi lize, navakatachikiza ngwavo ami yami nguli nakuhanjika.Ngwavo yami vene.”
7 Omu awaha mahinji ayou ali hajipili, ou ali nakuneha mujimbu wamwaza,+Ou ali nakuvilika kuunda,+Ou ali nakuneha mujimbu wamwaza wavyuma vyamwenemwene,Ou ali nakuvilika ulwilo,Ou ali nakulweza Zeyone ngwenyi: “Kalunga kove napu Mwangana.”+
8 Ivwa! Vaka-kukulama vali nakutambakana namazu akukanguka.Vali nakutwila hamwe jingunda,Mwomwo navamona* omu Yehova mwakindulwisa vatu muZeyone.
9 Enu malala aYelusalema,+ wahililenu, twilenu hamwe jingunda,Mwomwo Yehova navendejeka vatu jenyi,+ nasokola Yelusalema.+
10 Yehova nasolola ngolo jenyi jajila kuli vaka-mafuchi osena.+Vatu vakujisongosongo jamavu vosena navakamona vilinga vyaKalunga ketu vyaulwilo.+
11 Fumenumo, fumenumo, lovokenumo.+ Kanda namukwata kuchuma chimwe chachipiko.+Lovokenumo,+ litomesenu,Enu mweji kumbatanga vinoma vyaYehova.+
12 Enu kamweshi kukalovokamo nawoma,Chipwe kukalovokamo jimbushiko,Mwomwo Yehova mwakamitwaminyinanga,+Kalunga kaIsalele mwakapwanga munyima yenu nakumikinga.+
13 Talenu! Ngamba yami+ mwakalinga vyuma mukunangakana.Navakamuzezula helu,Navakamutohwesa nakumuhana ulemu.+
14 Vatu vavavulu navakamutala nakulikomokela,Mwomwo chihanga chenyi chapihile chikuma kuhambakana vihanga vyavatu veka vosena,Solokeso yenyi nawa yapihile chikuma kuhambakana solokeso yavatu vosena.
15 Ngocho mwakakomwesa vaka-mafuchi amavulu.+Vamyangana navakalikomokela* hali ikiye,+Mwomwo navakamona vyuma vize vazenekele kuvalweza,Nakuhaka muchima kuvyuma vize vazenekele kwivwa.+
