Isaya 53:1-12
53 Iya nafwelela vyuma vize nevu kuli etu?*+Iyaze vanasolwela+ ngolo jaYehova?+
2 Mutu kana mwakolela mumeso enyi* kwijiva nge muketengo,+ kwijiva nge mwiji uze uli mumavu aumu.Ikiye keshi naulemu chipwe naluvajiko.+Mutu kana katweshi kumwivwila kuwaha nge tunamumonoko.
3 Vatu vamulumbilishile, vamuhungile.+Atachikijile omu chapwa kukola, ejivile omu chapwa kuviza.Chapwile nge nasweke chihanga chenyi mangana tuhone kuchimona.*Vamulumbilishile, kaha twamumwene kupwa himutu wamokomoko.+
4 Ambachile kuviza chetu,+Alitwikile kukola chetu.+Oloze etu twamwene ngwetu vanamuvete, vanamuzangamisa kuli Kalunga nakumumwenesa vihuli.
5 Vamutuvile+ mwomwo yavilinga vyetu vyakuzombwojoka jishimbi.+Vamuchikile mwomwo yakuhenga chetu.+Vamuzangamishile mangana atunehele kuunda.+Kaha vatuhindwile mwomwo yajimbandu jenyi.+
6 Tuvosena tunapu nge mikoko vaze vanalaluka,+Mutu himutu nayi najila yenyi.Kaha Yehova namutwiki kuhenga chayetu tuvosena.+
7 Vamuyanjishile+ nakumumwenesa vihuli,+Oloze ikiye kalokolwele mukanwa kenyiko.Vamutwalile nge mukoko uze navatwala nakujiha,+Nge mukoko uze naholo kulu kuli muka-kumuteula,Kaha naikiye kalokolwele mukanwa kenyiko.+
8 Vamuyanjishile, vamutwalile chakuzeneka kumusopesa kanawa.Iyaze mwakekesa vyachisemunwino chenyi* munona munona?Mwomwo vamutetele muli vaze vapwile vavatonyi.+Vamuvetele* mwomwo yavilinga vyavatu jami vyakuzombwojoka jishimbi.+
9 Kalingile chuma chimwe chachipiko,*Kaha mukanwa kenyi kavawanyinemo makuliko,+Oloze omu afwile, fuka yenyi yapwile hamwe navaka-kuhuka,+Yapwile hamwe nawa navaka-luheto.+
10 Yehova ikiye ajinyine* ngwenyi vamuchike nakumwecha vamwivwise kukola.Ove Kalunga, kachi nge nauhana kuyoya* chenyi kupwa wana wahamulonga,+Kaha mwakamona vaka-tanga* yenyi, mwakavulisa makumbi enyi.+Vyuma wevwila ove Yehova kuwaha navikafukilanga kuhichila muli ikiye.+
11 Mwakamona vyuma vyamwaza nakusuuluka mwomwo yavihuli vyenyi.*Ngamba yami,+ ou wakwolokaMwakalingisa vatu vavavulu vakapwe vakwoloka mwomwo yachinyingi chenyi.+Kaha mwakambata nawa kuhenga chavo.+
12 Ngocho nangukamuhana chazano muli vatu vavavulu,Kaha vyuma vyakupukula mwakalipangilavyo navaka-ngolo,Mwomwo afwile nakuhana kuyoya* chenyi,+Vamulavililile hali vaka-kuzombwojoka jishimbi.+Ambachile shili yavatu vavavulu,+Ahakwililile vaka-kuzombwojoka jishimbi.+
Kwinyikila Chamwishi
^ Chipwe pamo, “vyuma tunevu?”
^ Lizu “enyi” linahase kutalisa kuli weshowo mwamona chipwe kutalisa kuli Kalunga.
^ Chipwe pamo, “Apwile nge mutu uze navazeneka vatu kutala.”
^ Chipwe “vyakuyoya chenyi.”
^ Chipwe “Vamujihile.”
^ Chipwe “chaulyanyiko.”
^ Hepe., “mbuto.”
^ Chipwe “mwono.”
^ Chipwe “Yehova evwile kuwaha.”
^ Chipwe “yaukalu kumwono wenyi.”
^ Chipwe “mwono.”