Isaya 54:1-17
54 Yehova nambe ngwenyi: “Ove mumba, ove wazeneka kusema, twako jingunda.+Ove pwevo uze kanda achivwengaho lyehi misongo yakusema,+ wahilila nakutwa jingunda.+Mwomwo vana vapwevo uze vanaseze kuli lunga lyenyi vanavuluKuhambakana vana vapwevo uze ali nalunga lyenyi.*+
2 Tohwesa mbalaka yove.+Tanduula mahina akutavanaku yove yayinene.Kanda nawivwa uyeyeko, suhwisa mikole yakumbalaka yove,Kolesa jimbambo jakumbalaka yove.+
3 Naukatohwesa jingiza jove kuchilyo nakuchimoswe.Vaka-tanga yove navakaheta vaka-mafuchi eka,Kaha navakatwamanga mujinganda jize jinapu jingundu.+
4 Kanda nawivwa womako,+ mwomwo kaveshi kukakwivwisa sonyiko.+Kanda nawivwa sonyiko, mwomwo kaveshi kukakupayisako.Sonyi wevwile haukweze wove naukayivulyama,Kaha kusaula vakusawilenga hautuliwe wove kaweshi kukachanukako.”
5 “Mwomwo Tengi yove Wamunene+ napu nge hilunga lyove,*+Lijina lyenyi ikiye Yehova wamayongomena.Ou Wajila waIsalele ikiye Muka-kukusokola.+Navakamuvulukanga ngwavo Kalunga wahamavu hosena.+
6 Yehova akusanyikile ngana mwapwevo ou ali nakulishona,*+ ou vaseza kuli lunga lyenyi,Ngana mwapwevo ou asombokele haukweze, ou vanakane jino.” Omu mukiko mwanambe Kalunga.
7 “Ngwakusezele hakapyapya kakandende,Oloze nangukwivwila keke nakukukindulwisa.+
8 Ngwapihililile nakulisweka kuli ove hakapyapya kakandende,+Oloze nangukwivwila keke mwomwo yazangi yami yakwilila.”+ Omu mukiko mwanambe Yehova, ou Muka-kukusokola.+
9 “Kuli ami, echi chinapu nge muze chapwile mumakumbi aNowa.+Nge muze ngwalishinga ngwami livaji lyaNowa kalyeshi kukafwika cheka mavuko,+Mukiko nawa nangulishinga ngwami kangweshi kukakukwachila cheka matoto chipwe kukutenukilako.+
10 Jipili jajinene jinahase kufumako,Jipili jajindende nawa jinahase kunyikika,Oloze zangi yami yakwilila kayeshi kukafuma hali oveko,+Kaha lushiko lwami lwakuunda nawa kalweshi kukanyikikako.”+ Omu mukiko mwanambe Yehova, Ou muka-kukwivwila keke.+
11 “Ove pwevo vanayanjisa,+ ove vanapekumuna napeho, ove vanazeneka kuvendejeka,+Nangwala malolwa ove nandaka yakukola,Nangwala chihela chove namalolwa asafwila.+
12 Nangukatunga vipato vyove vyahelu namalolwa amaluve,Nangukatunga vikolo vyove namalolwa akuvyakuma,Kaha jingiza jove josena nangukajitunga namalolwa andando yayinene.
13 Vana vove vosena navakavanangula kuli Yehova,+Kaha kuunda chavana vove nachikavula.+
14 Nangukakuzamisa mukwoloka.+Luyanjisa nalukapwila kwakusuku nayove.+Kaweshi kukevwa woma chipwe kulizuzukilako,Mwomwo vyuma vyakukwivwisa woma navikapwila kwakusuku nayove.+
15 Weshowo mwakakukatukilaKeshi yami nangukamutumako.Weshowo mwakakulukuka mwakalindumuka mwomwo yayove.”+
16 “Tala! Ami yami ngwatengele fuliUze eji kuhehanga mulwazoNakufula vitwa.Ami yami ngwatengele nawa muka-kunongesa mangana anongese.+
17 Vyeshovyo vitwa navakafula mangana vakakuzungise, kavyeshi kukafukilako,+Kaha naukapayisa veshovo navakakukatukila nakukusopesa.Ou ukiko uswana wavangamba jaYehova,Kaha kwoloka chavo chafuma kuli ami.” Omu mukiko mwanambe Yehova.+
Kwinyikila Chamwishi
^ Chipwe “ali namwata wenyi.”
^ Chipwe “himwata wove.”
^ Hepe., “ou vanevwisa chinyengo mushipilitu.”
