Isaya 55:1-13
55 Enu munafu lipwila muvosena,+ twayenu munwenga meya.+Enu munazeneka jimbongo, twayenu mulande vyakulya mulyenga.Twayenu mulande vinyo namavele+ chakuzeneka jimbongo, chakuzeneka ndando.+
2 Ikaze muli nakwenyekela jimbongo kuvyuma vize kavyapwa vyakulyako?Ikaze muli nakwenyekela jimbongo jenu* kuvyuma vize kavyeshi kumisuulwisako?Ngwivwililenu kanawa, kaha lyenu kulya chamwaza,+Namulivwisa kuwaha kulya chamaji.+
3 Tengelekenu matwitwi enu, twayenu kuli ami.+Ngwivwililenu, kaha namuyoyanga.Nangulishika nayenu lushiko lwahaya myaka yosena+Nge kutesa namazu azangi yakwilila ngwahanjikile kuli Ndavichi, mazu aze vatela kufwelela.*+
4 Ngwamulingishile kupwa chinjiho+ kuli vaka-mafuchi,Kupwa twamina,+ kupwa kapitau+ kuli vaka-mafuchi.
5 Naukasanyika vaka-lifuchi lize kawatachikizako,Kaha vaka-lifuchi vaze vazeneka kukutachikiza navakachinyina kuli ove,Mwomwo yaYehova Kalunga kove,+ ou Wajila waIsalele,Mwomwo mwakakutohwesa.+
6 Tondenunga Yehova shimbu munahase kumuwana.+Musanyikenu shimbu achili hakamwihi.+
7 Muka-kuhuka aseze jijila jenyi,+Mutu wamupi aseze vishinganyeka vyenyi.Akinduluke kuli Yehova, kaha mwamutetela,+Akinduluke kuli Kalunga ketu mwomwo mwamukonekela namuchima wosena.+
8 Yehova nambe ngwenyi: “Vishinganyeka vyami kavyapwa nge vishinganyeka vyenuko.+Jijila jami kajapwa nge jijila jenuko.
9 Nganomu melu ajindama helu lyamavu,Mukiko jajindama jijila jami helu lyajijila jenu,Navishinganyeka vyami nawa vyajindama helu lyavishinganyeka vyenu.+
10 Vula nambundu vyeji kufumanga mwilu,Kaha kavyeshi kukinduluka mwiluko kuvanga vinazovesa hamavu nakusokesaho vyuma,Nakuhana mbuto kuli muka-kukuva nakulya kuli muka-kulya.
11 Omu mukiko nawapwanga mazu akufuma mukanwa kami.+Kaweshi kukakinduluka kuli ami mavokovokoko,+Oloze nawakatesamo vyuma vize ngunevwila kuwaha,+Kaha nawakalinga mwosena muze ngunawatumu kulinga.
12 Enu namukalovoka nakuwahilila,+Kaha namukakinduluka mukuunda.+Jipili jajinene najeji jajindende najikawahilila kumeso enu nakutwa jingunda,+Mitondo yamuchipapa nayikasakwilila jikushi.+
13 Mulifuchi namukasoka minjunyipe mukutela kusoka mingonga,+Namukasoka miluta mukutela kusoka kanyungi.Vyuma kanevi navikafumakanyisa Yehova,+Nakupwa chinjikizo chahaya myaka yosena chize kacheshi kukanongako.”
