Isaya 56:1-12
56 Yehova nambe ngwenyi:
“Lingenunga mwaya chiyulo,+ lingenunga mwakwoloka,Mwomwo ulwilo wami kalinwomu wizengaKaha kwoloka chami nawa nachisoloka.+
2 Awahilila ou eji kulinganga vyumevi,Ou eji kulinjililanga kuvyuma kana,Ou eji kulamanga Sambata nakukana kuyijilulula+Ou eji kukinganga mavoko enyi kuchina kulinga vyuma vyavipi.
3 Muka-lifuchi lyeka uze mweza kuli Yehova+ kanda akamba ngwenyi,‘Yehova mwangufumisa havatu jenyiko.’Kaha uze aheuka kanda akamba ngwenyi: ‘Talenu! Ami ngunapu nge ngumutondo waumu.’”
4 Mwomwo ami Yehova ngunambe kuli vaka-kuheuka vaze veji kulamanga jisambata jami, vaze veji kulinganga vyuma ngwevwila kuwaha, nakulamanga lushiko lwami ngwami:
5 “Nangukavahana chihela nalijina lyamwaza muzuvo yami namuvipango vyami,Vyuma kana vyamwaza kuhambakana vana vamalunga navava vamapwevo.Nangukavahana lijina lyahaya myaka yosena,Lijina lize kalyeshi kukanongako.
6 Vaka-mafuchi eka vaze naveza kuli Yehova mangana vamuzachilenga,Nakuzanga lijina lyaYehova,+Nakupwa vangamba jenyi,Navosena vaze veji kulamanga Sambata nakukana kuyijilulula,Navaze veji kulamanga lushiko lwami,
7 Nangukavaneha kupili yami yajila,+Kaha nangukavalingisa vakawahilile muzuvo yami yakulombela.Mawana avo akulumba, namawana avo avimuna vakuvatula nangukawetavila halijiko lyami lyakulumbila.Mwomwo zuvo yami navakayivulukanga ngwavo zuvo yakulombela vatu veka naveka vosena.”+
8 Mwata Wakulitulaho Yehova uze ali nakukungulula vaIsalele+ nambe ngwenyi:“Nangukamukungulwila vatu veka vakuhakila kuli vaze vanakungulula lyehi.”+
9 Enu tunyama vamuchipapa muvosena,+Enu tunyama vamumusenge muvosena twayenu mulyenga.
10 Vaka-kumulama vosena vanapu tupuputa,+ naumwe nanyingilila wauchi.+Vosena vanapu vatuwa vavimumu, kavahasa kuwozako.+Vanautama, vali nakuhekela. Vazanga kusavala.
11 Vanapu vatuwa vakuzuzuka.Kaveshi kwikutako.Vanapu tufunga vakuzeneka kunangakana.+Mutu himutu natalikisa mujila yenyi.Mutu himutu ali nakufwila kunganyala vyuma mulizangamina nakwamba ngwenyi:
12 “Twayenu, tumbatenu vinyo,Tunwenu wala wetu,+Kaha likumbi lyahamene nalipwa nge likumbi lyalelo, oloze nalikahambakanamo kuwaha.”
