Isaya 59:1-21
59 Talenu! Livoko lyaYehova kalyeshi lyalihi numba lizeneke kulwilako,+Matwitwi enyi nawa kawajikile numba azeneke kwivwako.+
2 Kuhenga chenu chinamisosolola kuli Kalunga kenu.+Jishili jenu jinamulingisa alisweke kumeso enu,Kaha nakane kumivwilila.+
3 Mavoko enu anapihi namanyinga,+Anapihi nawa navilinga vyakuhenga.Mivumbo yenu yeji kwonganga,+ malimi enu eji kunyinyitanga vyuma vyakuhenga.
4 Naumwe wauchi eji kuhanjikanga vyuma vyakwoloka,+Naumwe wauchi eji kuyanga kuzango yakusopela nakuhanjika muchano.Veji kufwelelanga muvyuma vyamokomoko+ nakuhanjika vyaufwefwelekete.Veji kwimitanga ukalu nakusema vyuma vyavipi.+
5 Veji kutotanga maulu alinoka waulembe,Kaha maulu aze navachika namufuma viyenge.Veshovo navalya maulu avo navafwa,Kaha veji kutunganga wanda wakauvi.+
6 Wanda wavo wakauvi kaveshi kukautenga uvwaloko,Kaha kaveshi kukalifwika vyuma vanatunguko.+Vilinga vyavo vinapu vyavipi,Veji kulinganga vilinga vyaukenya namavoko avo.+
7 Mahinji avo eji kulahilanga kukulinga upi,Veji kwanguhwanga vamwange manyinga amutu wakuzeneka mulonga.+Vishinganyeka vyavo vinapu vyavipi.Mujijila javo mwatwama lwenyeka naluyando.+
8 Kavatachikijile jila yakuundako,Kaha mujijila javo kamweshi chiyuloko.+Veji kuhengesanga jijila javo.Weshowo mwatambuka mujijila kana keshi kutachikiza kuundako.+
9 Evi vikiko vinalingisa chiyulo chipwenga kwakusuku nayetu,Kaha kwoloka kacheshi kutuwanako.Tweji kutalililanga musana, oloze kweji kwizanga ufuku.Tweji kutalililanga kumunyika, oloze tweji kutambukanga lika mumilima.+
10 Tweji kupupuchilanga hambango nge tupuputa.Tweji kupupuchilanga nge vatu vaze kaveshi namesoko.+Tweji kuhukananga musana weye kwijiva nge kuli milima.Tunapu nge tuvafu hali vatu vaze vakwechi ngolo.
11 Tuvosena tweji kwanganyinanga nge vaulusu,Tweji kulishimwoka nge tumbowa.Tweji kutalililanga chiyulo, oloze chauchi.Tweji kutalililanga ulwilo, oloze uli kwakusuku nayetu.
12 Kulikanga chetu chinavulu kumeso ove.+Jishili jetu jeji kutuhisanga etu vavene.+Tunatachikiza kulikanga chetu,Tunatachikiza kanawa kuhenga chetu.+
13 Tunazombwojoka jishimbi nakukana Yehova.Tunombu nyima Kalunga ketu.Tunahanjikanga vyakulikanga nomu mwakuyanjishila vakwetu.+Tunemita makuli nakunyinyita mazu akwonga amumichima yetu.+
14 Chiyulo chinasosoloka hanyima,+Kwoloka nawa chili kwakusuku.+Mwomwo muchano unahukana muchihela chasanga,Vyuma vyakusungama kavyeshi kuhasa kwingilamoko.
15 Muchano unajimbangana,+Kaha vaze vali nakusosoloka kuupi vali nakuvapupa.Yehova amwene chuma kana, kaha chamwivwishile kupihya,Mwomwo kakwapwile chiyulo chakwolokako.+
16 Amwene ngwenyi kakweshi mutu wakuvemanyinako,Kaha alikomokelele hakumona ngwenyi kakwapwile umwe wakuvahakwilako.Ngocho livoko lyenyi lyanehele ulwilo,Kaha kwoloka chenyi chamukafwile.
17 Avwalile kwoloka nge kahuma kachikungo,Avwalile litepa lyakukola lyaulwilo kumutwe wenyi.+Avwalile muchima wakulinga sambanjinga kwijiva nge hiuvwalo wenyi,+Alikupikile twima kwijiva nge chikuto.*
18 Mwakavafweta havyuma vanalingi:+Vaka-kole jenyi mwakavakwachila kulundundu, mwakavashishishilamo.+Kaha matungu mwakawafweta fweto yawo.
19 Vatu vakumulauko navakevwa woma lijina lyaYehova,Vaze vakumututuko navakevwa woma upahu wenyi.Mwomwo mwakeza nge kalwiji wamutaUze vali nakutambukisa nashipilitu yaYehova.
20 Yehova nambe ngwenyi: “Muka-kusokola+ mwakeza+ kuZeyone,Mwakeza kuli vaze vakutanga yaYakova, vaze vanalihende kukuzombwojoka jishimbi.”+
21 Yehova nambe ngwenyi: “Elu lukiko lushiko lwami ngunalishiki navakiko.+ Shipilitu yami yize yili muli ove namazu ami aze ngunahake mukanwa kove kaweshi kukafumamoko. Kaweshi kukafuma namukanwa kavana vove, chipwe mukanwa kavazukulu joveko, kufuma oholyapwa nahaya myaka yosena.” Omu mukiko mwanambe Yehova.
Kwinyikila Chamwishi
^ Chipwe “ndeleji yakuzeneka mavoko.”
