Isaya 62:1-12
-
Lijina lyaZeyone lyalihya (1-12)
62 Kangweshi kuholako mwomwo yaZeyone,+Kangweshi kulihulikako mwomwo yaYelusalema,Kangweshi kulinga ngochoko palanga nomu kwoloka chayo nachikamunyika nge mumunyi,+Nomu ulwilo wayo naukamunyika nge linongo.+
2 “Ove pwevo,+ vaka-mafuchi navakamona vilinga vyove vyakwoloka,Vamyangana vosena navakamona upahu wove.+Kaha navakakuvulukanga lijina lyalihya+Lize mwakakuluka Yehova.
3 Naukapwa nge muchama wamwaza mulivoko lyaYehova,Naukapwa nge lihina lyawangana lyakujinga kumutwe mulivoko lyaKalunga kove.
4 Kaveshi kukakuvuluka cheka ngwavo pwevo uze vaseza kuli lunga lyenyiko,+Kaha lifuchi lyove kaveshi kukalivuluka cheka ngwavo ngunduko.+Oloze navakakuvuluka ngwavo Ou Ngwevwila Kuwaha,+Kaha lifuchi lyove navakalivuluka ngwavo Uze Asomboka.Mwomwo Yehova mwakakwivwila kuwaha,Lifuchi lyove nalikapwa nge uze asomboka.
5 Vana vove navakakumbataNge muze mukweze mwambata pwevo uze kanda alisavaleho lyehi nalunga.Kalunga kove mwakawahilila nayove,Nge muze mwenyamwenga mwawahilila namwenga.+
6 Ove Yelusalema, ngunatongola vaka-kulama vapwenga hajikembwe jove.Kaveshi kuhola kuluko namusana naufuku.Enu mweji kwalisanga Yehova,Kanda namulitwamina kumwalisako.
7 Kanda namwitavisa Kalunga ahwimeko palanga nomu mwazamisa Yelusalema,Palanga nomu mwalingisa Yelusalema vayalisenga hamavu hosena.”+
8 Yehova nalishingi lushingo nalivoko lyenyi lyachilyo, lyangolo ngwenyi:“Kangweshi kukahana cheka kulya chove chamanona kuli vaka-kole joveko,Vinyo vyove vyavihya vize unakilikichila kangweshi kukavihana cheka kuli vaka-mafuchi ekako.+
9 Vaze navakakungulula kulya chove navakachilya, kaha navakamwalisanga Yehova.Vaze navakambata vinyo vyove navakavinwina muchipango chami chajila.”+
10 Lovokenu kuvikolo vyanganda.Wahishilenu vatu jila.+Tuvenu jila yayinene.Fumisenumo malolwa.+Katwilenu vatu veka naveka chinjikizo.+
11 Talenu, Yehova navilika kumavu kwosena ngwenyi:“Lwezenu mwanapwevo Zeyone ngwenu,‘Tala, ulwilo wove uli nakwiza.+Kalunga eji kuhananga fweto,Kuli ikiye kukiko kweji kufumanga fweto.’”+
12 Navakavavuluka ngwavo vatu vajila, vaze vasokola kuli Yehova,+Kaha ove navakakuvuluka ngwavo Nganda Yize Vasaka, Nganda Yize Kavasezako.+
