Isaya 63:1-19
63 Iya ou ali nakufuminyina kuEtome?+Iya ou ali nakufuminyina kuMbozola+ navwale uvwalo waulombo wakutamuka,Ou ali nakwiza nangolo jajinene,Ou navwale uvwalo waluvaji?“Yami vene, ou ali nakuhanjika mukwoloka,Ou ukwechi ngolo jajinene jakulwila.”
2 Uvwalo wove unachilanyina ika?Mwomwo ika uvwalo wove unafwanyina nge wayou ali nakulyatangila muchikamwino chavinyo?+
3 “Ngwalyatangilile vinyo muchikamwino uka wami.Naumwe wauchi apwile nayami.Ngwavalyatangilile mwomwo yamatoto ami,Ngwavalyatangilile mwomwo yakulundundu yami.+Manyinga avo asapukilile hauvwalo wami,Kaha uvwalo wami wosena wapihile.
4 Ngunajinyi likumbi lyakulinga sambanjinga,+Mwaka wakusokola vatu jami unahete.
5 Ngwatalile, oloze kakwapwile mutu ahashile kungukafwako.Ngwevwile kupihya mwomwo kakwapwile mutu ahashile kungukundwizako.Ngocho livoko lyami lyanehele ulwilo.+Kulundundu yami yangukafwile.
6 Ngwalyatangilile vatu veka naveka mwomwo yamatoto ami,Ngwavapendesele kulundundu yami,+Ngwamwangilile manyinga avo hamavu.”
7 Nanguvuluka vilinga vyaYehova vyazangi yakwilila,Nanguvuluka vilinga vyaYehova vize vyatela kwalisa,Mwomwo yavyuma vyosena natulingila+ Yehova,Navyuma vyamwaza vize nalingila vaze vakuzuvo yaIsaleleKweseka nakeke yenyi nazangi yenyi yakwilila.
8 Mwomwo ambile ngwenyi: “Chikupu vene vanapu vatu jami, vana vami vaze kaveshi kukapwa vakushishikako.”+Ngocho apwile Mulwilo wavo.+
9 Evwilenga kupihya omu vayanjilenga.+Kaha muluwa wenyi avalwililile.+Avasokwele mwomwo avazangile nakuvatetela.+Hamakumbi akushikulu osena, avazundwile, avambachile.+
10 Oloze valikangile+ nakunyengetesa shipilitu yenyi yajila.+Ngocho apwile jino muka-kole wavo,+Kaha avazungishile.+
11 Shikaho vanukile makumbi akushikulu,Makumbi angamba yenyi Mose ngwavo:“Ou avahichishile mukalungalwiji+ natufunga vautanga wenyi+ hamwe ali kulihi?Ou ahakile shipilitu Yenyi yajila muli ikiye ali kulihi?+
12 Ou alingishile livoko lyenyi lyaupahu lipwenga hamwe nalivoko lyaMose+ lyachilyo,Ou ahandunwine meya kumeso avo+Mangana alitungile lijina lyahaya myaka yosena ali kulihi?+
13 Ou avalingishile vatambuke hameya amavuluChakuzeneka kulimbuka,Kwijiva nge kavalu uze ali nakutambuka mulikundu ali kulihi?
14 Shipilitu yaYehova yavanokesele+Nganomu veji kunokanga vimuna muchana.”Omu mukiko walingile hakutwaminyina vatu jove,Mangana ulitungile lijina lyamwaza.+
15 Ove watwama mwilu,Ove watwama muchihela chove chahelu chajila, chaupahu, tala hamavu umone.Twima yove, nangolo jove,Nakutetela chove,+ nakeke yove vili kulihi?+Unakane kutusolwelavyo.
16 Ove unapu uSetu.+Numba tuhu Apalahama katutachikizako,Numba tuhu Isalele katwijivako,Oloze ove Yehova unapu uSetu.Ove yove Muka-kutusokola ou natusokolanga kufuma kushikulu.+
17 Ove Yehova, ikaze weji kutwechelelanga tufume mujijila jove?Ikaze weji kutwechelelanga tukakamise michima yetu, tuzeneke kukwivwa woma?+Kinduluka, mwomwo yavangamba jove,Miyachi yize yinapu uswana wove.+
18 Vatu jove vajila vaswanyine lifuchi hakatando kakandende kaha.Vaka-kole jetu vanalyatangila chihela chove chajila.+
19 Hamyaka yayivulu, tunapunga nge tuvatu vaze kanda uyulengaho lyehi,Nge vatu vaze kanda vavulukilengaho lyehi lijina lyove.
