Isaya 65:1-25
65 “Ngunetavila vangutondetonde kuli vaze vazenekele kungwihula.Ngunetavila vanguwane kuli vaze vazenekele kungutondatonda.+Ngunambe kuli vaka-lifuchi vaze vazenekele kusanyika lijina lyami+ ngwami, ‘Yami uno, yami uno.’
2 Ngunolola mavoko ami likumbi lyosena kuli vatu vakunjinjavala,+Kuli vaze vali nakuya mujila yakuhenga,+Vaze vali nakukava mwaya vishinganyeka vyavo,+
3 Vaze vali nakungwivwisa kupihya lwola lwosena,+Vaze vali nakuvatwilanga vimuna mumilemba,+ nakulumba vimuna vakuvatula hatumenga mangana vakakumuke wishi.
4 Veji kutwamanga hajifuka,+Veji kusavalanga muvihela vyakuhengama,*Kaha veji kulyanga nyama yavangulu,+Mujindeho javo muli musoji wavyuma vyakwivwisa unyengwe.*+
5 Veji kwambanga ngwavo, ‘Imana vene okwo, kanda naupandama kuli etuko,Mwomwo etu twajila kuhambakana yenu.’*Ava vanapu nge wishi uze uli nakufuma mumazulu ami, nge kakahya kaze kali nakwenya lwola lwosena.
6 Vyuma kana vavisonekela kumeso ami.Kangweshi kuhola kuluko,Nanguvashishishilamo,+Nanguvafweta fweto yavo yosena
7 Hakuhenga chavo nachechi chavakakuluka javo.”+ Omu mukiko mwanambe Yehova.Nambe nawa ngwenyi: “Chatete, nanguvahana fweto yavo yosena,Mwomwo vanalumbu vimuna vakuvatula hajipili jajinene mangana vakakumuke wishi,Kaha vanangusaula nawa hajipili jajindende.”+
8 Yehova nambe ngwenyi:“Nge omu mutu mwawana vinyo vyavihya vyakumihako yimwe yavinyo,Kaha himwamba ngwenyi, ‘Kanda namuyenyekako, mwomwo muli vyuma vyamwaza,’*Mukiko nangukalinga mwomwo yavangamba jami.Kangweshi kukavanongesa vosenako.+
9 Nangukalovola vaka-tanga* kufuma muli Yakova,Vaze navakaswana jipili jami+ navakalovoka muYuta.Vaze vami ngwasakula navakaheta lifuchi,Vangamba jami navakatwamanga kuze.+
10 Shalone+ nayikapwanga ulilo wamikoko,Chinema* chaAkole+ nachikapwanga liutelo lyavangombeMwomwo yavatu jami vaze vali nakungutondatonda.
11 Oloze enu muli hali vatu vaze vanaseze Yehova,+Vaze vanavulyama pili yami yajila,+Vaze vanalongesela kalunga waKutokwa mesa,Vaze vanazalishila kalunga waLuvinda jipasa javinyo vyakuchingasana.
12 Nangukamihana kujipoko jamikwale,+Kaha muvosena namukanongama vakamijihe,+Mwomwo ngwamisanyikile, oloze kamwangukumbulwileko,Ngwahanjikile, oloze kamwangwivwililileko.+Mwalingilenga vyuma vyavipi kumeso ami,Mwafwililile vyuma vize vyangwivwishilenga kupihya.”+
13 Shikaho Mwata Wakulitulaho Yehova nambe ngwenyi:“Talenu! Vangamba jami navakalyanga, oloze enu namukafwanga zala.+Talenu! Vangamba jami navakanwanga,+ oloze enu namukafwanga lipwila.Talenu! Vangamba jami navakawahililanga,+ oloze enu namukevwanga sonyi.+
14 Talenu! Vangamba jami navakatwanga jingunda hakwivwa kuwaha mumichima yavo,Oloze enu namukatetanga miteto mwomwo yakwivwa kukola kumichima yenu,Namukalilanga jimbimbi mwomwo yakulyonyinga mumichima yenu.
15 Namukaseza lijina navakazachisanga vatu jami ngwasakula omu navakalishinganga,Mwata Wakulitulaho Yehova mwakamijiha muvosena,Oloze vangamba jenyi mwakavaluka lijina lyeka.+
16 Ngocho weshowo mwakasaka kisu hamavuNavakamukisula kuli Kalunga wamuchano.*Kaha weshowo mwakalishinga lushingo hamavuMwakalishinga lijina lyaKalunga wamuchano.*+Mwomwo luyando* vamwenenga kunyima kaveshi kukalwanuka chekako.Kalweshi kukasoloka cheka kumeso amiko.+
17 Talenu! Nangutenga melu amahya namavu amahya.+Kaha vyuma vyakunyima kaveshi kukavyanuka chekako,Chipwe kuvivezuka mumichima yavoko.+
18 Shikaho, wahililenunga haya myaka yosena havyuma nangutenga.Talenu! Nangutenga Yelusalema yipwenga chuma chakwivwisa kuwaha,Navatu jayo nawa kupwa chuma chakuneha kuwahilila.+
19 Nangwivwila kuwaha Yelusalema nakuwahilila hali vatu jami.+Kaveshi kukevwamo mazu akulila chipwe miteto yaluyandoko.”+
20 “Kamweshi kukapwa kemba uze mwakayoya makumbi amandendeko,Chipwe mukulwane uze mwakayoya chakuzeneka kutesamo makumbi enyiko.Weshowo mwakafwa namyaka 100 navakamumona ngwavo nafu unyike,Kaha muka-shili navakamwangula numba tuhu ali namyaka 100.*
21 Navakatunga jizuvo javo, kaha navakatwamangamo,+Navakalimanga mande amivinyo, kaha navakalyanga mihako yayo.+
22 Kaveshi kukatunga jizuvo javo mangana veka vakatwamengamoko,Kaveshi kukalima mangana veka vakalyenga vyuma vanalimiko.Mwomwo makumbi avatu jami nawakavula nge makumbi amutondo,+Vaze ngwasakula navakalivwisanga kuwaha milimo yamavoko avo.
23 Kaveshi kukafulyangila chawanako,+Kaveshi kukasema vana naluyandoko,Mwomwo vakiko navaka-tanga* yavo+Vanapu vana vaze vakisula kuli Yehova.+
24 Ami nangukavakumbulula shimbu kanda vangusanyike.Nangukavevwa shimbu vachili nakuhanjika.
25 Tungunge namikoko navakalilanga hamwe,Vandumba navakalyanga mwila nge vangombe,+Manoka navakalyanga mavu.Kaveshi kukalemeka chipwe kwenyeka chuma chimwe kupili yami yajilako.”+ Omu mukiko mwanambe Yehova.
Kwinyikila Chamwishi
^ Chipwe pamo, “kusavalanga mutupundo.”
^ Chipwe “wavyuma vyavipi.”
^ Chipwe pamo, “Mwomwo natumitambwisa kujila chetu.”
^ Hepe., “muli jikisu.”
^ Hepe., “mbuto.”
^ Chipwe “Chana.”
^ Chipwe “wakushishika.” Hepe., “waAmene.”
^ Chipwe “wakushishika.” Hepe., “waAmene.”
^ Chipwe “vihuli.”
^ Chipwe pamo, “Kaha ou mwakazeneka kuheta hamyaka 100 mwakapwa wakwangula.”
^ Hepe., “nambuto.”
