Isaya 7:1-25
7 Jino Lejine mwangana waSulya, naPeka+ mwanaLemaliya mwangana wavaIsalele, vayile mangana vakalukuke Yelusalema mumakumbi aAhaze+ mwanaYotame, Yotame mwanaUjiya, mwangana wavaYuta, oloze kavahashile* kuyitambulako.+
2 Vaze vakuzuvo yaNdavichi vevwile ngwavo: “Maswalale javaSulya vanalifutula namaswalale javaEfwalime mangana vamizungise.”
Kaha muchima waAhaze namichima yavatu jenyi yalinyikile, nge omu mitondo yamuchipapa nayilinyika napeho.
3 Jino Yehova ambile kuli Isaya ngwenyi: “Yako namwanove Sheyaleyashuve*+ ukaliwane naAhaze kusongo yakapila wameya uze afuma hachijiva chahamulundu+ uze wapwila kujila, kuchipapa chamuka-kutomesa mahina.
4 Ukamulweze ngwove, ‘Unda muchima. Kanda nawivwa womako, chipwe kulizuzukila havimbunji vivali evi vili nakufwinda wishi, hautenu waLejine navaSulya, namwanaLemaliya.+
5 Mwomwo vaSulya, navaEfwalime namwanaLemaliya vanajinyi kukulinga mwamupi. Vanambe ngwavo:
6 “Tuyenu nakulukuka Yuta mangana tuyenyeke* nakuyinongesa.* Kaha natukatongola mwanaTavele kupwa mwangana wayo.”+
7 “‘Mwata Wakulitulaho Yehova nambe ngwenyi:“Chuma vanajinyi kacheshi kufukilakoChipwe kusolokako.
8 Mutwe waSulya yikiko Ndamashiku,Kaha mutwe waNdamashiku ikiye Lejine.Shimbu kanda myaka 65 yikume,VaEfwalime navavanongesa ndolokoto, kaha muyachi wavo naunonga.+
9 Mutwe waEfwalime yikiko Samaliya+Kaha mutwe waSamaliya ikiye mwanaLemaliya+Kuvanga upwenga nalufwelelo lwakukolaMokomoko kaveshi kukakuzamisako.”’”
10 Yehova ahanjikile cheka kuli Ahaze ngwenyi:
11 “Lomba chinjikizo kuli ami Yehova Kalunga kove,+ numba chipwa chakukunama chikuma nge Fuka,* numba chipwa chakujindama helu nge lilu.”
12 Oloze Ahaze ambile ngwenyi: “Kangweshi kukulombachoko, kaha nawa kangweshi kukweseka ove Yehovako.”
13 Jino Isaya ambile ngwenyi: “Ivwililenu enu vakuzuvo yaNdavichi. Munalingisa vatu vazeye kumitalilila chikoki, kaha muli nakusaka nawa Kalunga azeye kumitalilila chikoki nyi?+
14 Shikaho Yehova mwamihana chinjikizo echi: Mwanapwevo mwakemita lijimo, kaha mwakasema mwana walunga.+ Ou mwana mwakamuluka lijina ngwenyi Emanwele.*+
15 Ou mwana mwakalyanga mateka nauchi omu mwakalinga hanatachikiza lyehi kukana vyuma vyavipi nakusakula vyuma vyamwaza.
16 Mwomwo shimbu kanda ou kanyike atachikize kukana vyuma vyavipi nakusakula vyuma vyamwaza, mafuchi avava vamyangana vavali muli nakwivwa woma nawakasala amupolongwa.+
17 Yehova mwakaneha lwola lwavihuli hali ove, nahali vatu jove, nahali vaze vakuzuvo yaiso, lwola luze kanda luchizengaho lyehi kufuma haze vaEfwalime vahandukile kuli vaYuta.+ Mwakakukatwila mwangana waAsulya.+
18 “Halikumbi lize, Yehova mwakasanyika vajiji namuloji kufuma kuvana vatulwiji vaNyile wakuEjipitu, navapuka kufuma mulifuchi lyaAsulya,
19 kaha navakeza nakuwila muvinema* vyakukunama, nahamalolwa, nahavikwata vyosena, nahamaulilo avimuna osena.
20 “Halikumbi lize, Yehova mwakazachisa yembe yakukumuna kungalila yaKalwiji,* mwakazachisa mwangana waAsulya,+ kaha mwakateula jikambu jakumitwe, naungona wahamahinji, nawevu.
21 “Halikumbi lize, mutu mwakapululula ngombe wachitole namikoko vavali hautanga wenyi.
22 Kaha mwakalyanga mateka mwomwo mavele nawakavula. Veshovo navakasala mulifuchi navakalyanga mateka nauchi.
23 “Halikumbi lize, kuvihela kuze kwapwilenga mivinyo 1,000 yakuta mujimbongo japalata 1,000 nakukapwanga vikwata navimwila.
24 Vatu navakayangako namata amanana namivwi mwomwo lifuchi lyosena nalikasoka vikwata navimwila.
25 Kaha kujipili josena kuze vachipilenga namatemo kamweshi kukahasa kuyakoko mwomwo nakukasoka vikwata navimwila. Navikapwanga vihela vyakulila vangombe, vyakulyatangila mikoko.”
Kwinyikila Chamwishi
^ Chipwe pamo, “kahashile.”
^ Ulumbunwiso, “Vasalaho Kaha Vakiko Navakakinduluka.”
^ Chipwe pamo, “tuyivwise woma.”
^ Chipwe “nakutuva mahanya mukembwe yayo.” Hepe., “nakuyipula.”
^ Chipwe “Sheyole,” kulumbununa fuka yavatu vosena. Tala Mukana waMazu.
^ Ulumbunwiso, “Kalunga Ali Nayetu.”
^ Chipwe “muvana vatulwiji.”
^ Ikiye Yufwalate.
