Isaya 8:1-22
8 Yehova ambile kuli ami ngwenyi: “Mbata chihanda chaliliva chachinene+ usonekeho nasonekeso ngwove, ‘Mahele-shalale-hashe-vaze.’*
2 Kaha vinjiho vakushishika vavali, kapilishitu Uliya+ naZekaliya mwanaYevelekiya vasonekeko* mangana chipwenga unjiho.”
3 Jino ngwalisavalile* napwevo lyami* uze apwile kapolofweto, emichile lijimo, kaha asemene mwana walunga.+ Yehova ambile kuli ami ngwenyi: “Ou mwana muluke ngwove Mahele-shalale-hashe-vaze.
4 Mwomwo shimbu kanda atachikize kuhanjika ngwenyi, ‘Tata,’ chipwe ngwenyi ‘Mama,’ luheto lwamuNdamashiku navikumba vyamuSamaliya navakavipupa nakuvineha kuli mwangana waAsulya.”+
5 Yehova ambile cheka kuli ami ngwenyi:
6 “Hakuwana nge vatu vanakane meya akuShilowa*+ akutambuka chikoki,Oloze vanevwila kuwaha Lejine namwanaLemaliya,+
7 Shikaho Yehova mwakavatuminaMeya akumbwambumuka akuhita nangolo amuKalwiji,*Mwakavatumina mwangana waAsulya+ naupahu wenyi wosena.Mwakafumika nakuzalisa vana venyi vatulwijiMwakafwika jingenge jenyi josena.
8 Mwakatwala meya muYuta mwosena.Mwakazala nakuheta mushingo.+Mwakatanduula mavava enyi nakufwika lifuchi lyove muwihi,Ove Emanwele.”*+
9 Enu vatu veka naveka lyanenu, oloze nayenu nawa navakamichika chikichiki.Enu mwatwama kuvihela vyakwakusuku, ivwililenu,Lizangenu* kulwa jita, oloze nayenu nawa navakamichika chikichiki,+Lizangenu kulwa jita, oloze nayenu nawa navakamichika chikichiki.
10 Takenu mwakulingila, oloze vyuma namutaka navavihonesa.Hanjikenu vyeshovyo munasake kulinga, oloze kavyeshi kufukilako,Mwomwo Kalunga ali nayetu.*+
11 Ngolo jaYehova japwile hali ami, kaha ahanjikile kuli ami mangana angukanyise kukavangiza jijila javatu ava. Ahanjikile ngwenyi:
12 “Kachi nge ava vatu navalikasa chivwasano chachipi, enu kanda namuvakavangizako.Kanda namwivwa woma vyuma vize veji kwivwanga womako,Kanda namuchikimako.
13 Yehova wamayongomena ikiye mwatela kumona kupwa wajila,+Ikiye mwatela kwivwa woma,Kaha ikiye atela kumivwisa woma.”+
14 Mwakapwa nge hichihela chajila,Oloze nge hililolwa lyakuhukanyisa+Nge hililolwa lyakulimbwisaVaze vakujizuvo jivali javaIsalele,Mwakapwa nge muhetoKuli vatu vamuYelusalema.
15 Vatu vavavulu navakahukana nakulimbuka, kaha navakalivulumuna.Navakafwa mumuheto, kaha navakavakwata.
16 Vunga mukanda wamazu aunjiho,Sweka jishimbi* muli tumbaji twami.
17 Nanguvandaminanga Yehova+ ou nalisweke kuchina navamumona kuli vaze vakuzuvo yaYakova,+ kaha nangumutalililanga.
18 Ami navana vaze nanguhane Yehova+ tunapu nge tuvinjikizo,+ tunapu nge tuvyuma vyakukomwesa muIsalele, vyakufuma kuli Yehova wamayongomena uze atwama kuPili yaZeyone.
19 Vali nakwamba kuli enu ngwavo, “Ihulenu vaka-kutahisa vashipilitu chipwe vaka-kulweza vyuma vyakulutwe ava vali nakunyinyita nakuhanjika nalizu lyalindende.” Uno kavatela kwihula Kalunga kavoko nyi? Kutala vatela kwihula vafu hali vatu vavatonyi nyi?+
20 Vatelanga kuhehwojola mujishimbi namumukanda wamazu aunjiho.
Kachi nge kaveshi kuhanjika nge kutesa namazu awako, kaha kaveshi kupwa mumusanako.*+
21 Vatu vosena navakahita mulifuchi nazala oku nawa vanahombo.+ Jino hakwivwa zala namatoto navakangula mwangana wavo naKalunga kavo omu navakatala mwilu.
22 Omu navakatala hamavu navakamona luyando, namilima, nambundumbundu, navihuli, nakajimbavenyi, kaveshi kukamona musanako.
Kwinyikila Chamwishi
^ Kulumbununa pamo, “Kwanguhwisa Kumbata Vyuma Vyakupukula, Kwiza Washi naKumbata Vyuma Vyakupupa.”
^ Chipwe “vahane unjiho; vasolole unjiho.”
^ Hepe., “ngwapandamine kuli.”
^ Kulumbununa, pwevo lyaIsaya.
^ Shilowa yapwile kapila kameya.
^ Ikiye Yufwalate.
^ Chipwe “Likasenu.”
^ Chipwe “jindongi.”
^ Hepe., “kaveshi kumona kututuka chalikumbiko.”
