Isaya 9:1-21
9 Oloze milima kana kayeshi kukapwa nge yize yapwileko hakavanga omu lifuchi lyapwile navihuliko, nge yize yapwile mulifuchi lyaZevulune nalifuchi lyaNafwatale omu mafuchi kana vawasawile kuvatu.+ Oloze kulutwe, Kalunga mwakevwila kuwaha mafuchi kana, mafuchi akujila yakukalungalwiji, mungalila yaYotau, Ngalileya yavaka-mafuchi.
2 Vatu vaze vatambukilenga mumilimaVanamono kumunyika chachinene.Kaha vaze vatwaminenga mulifuchi lyamilima yayinene,Kumunyika chinavamunyikila.+
3 Unavulisa vatu mulifuchi,Unavalingisa vawahilile chikuma.Veji kuwahililanga kumeso oveNge omu vatu veji kuwahililanga halwola lwakwaha,Nge omu veji kuwahililanga vaze navalipangila vyuma vyakupupa.
4 Unahokwojola toka yize yinavayanjisanga,Unahokwojola mukombo uze unapunga havifwiji vyavo, mbwechi yavaka-kuvazachisa milimo,Nge muze vaMichane+ vavafungulwile.
5 Mendelo veji kulyachisanga vaka-jita hamavuNauvwalo uze vanapochinga mumanyingaNavikanonga nakakahya.
6 Kuli etu kunasemuka mwana,+Vanatuhane mwana walunga.Chiyulo* nachikapwanga hachifwiji chenyi.+Lijina lyenyi navakamuvulukanga ngwavo Muka-kulweza Mangana Wakukomwesa,+ Kalunga waNgolo,+ Setu waHaya Myaka Yosena, Mwata waKuunda.
7 Chiyulo* chenyi nachikayanga lika nakutanda,Kaha kuunda kacheshi kukakuma+Halitanda lyaNdavichi+ nahawangana wenyiko,Mangana akazamise wangana wenyi+ nakuujikijisa,Akauzamise nachiyulo+ nakwoloka+Kufuma oholyapwa nahaya myaka yosena.Yehova wamayongomena nafwila kulinga chuma kanechi.
8 Yehova atumine mazu alupi kuli Yakova,Kaha lupi kana luneza hali vaIsalele.+
9 Vatu vosena navakatachikiza chuma kanechi,VaEfwalime navatu vamuSamaliya,Ava veji kuhanjikanga nakulivwimba mumichima yavo ngwavo:
10 “Jizuvo jatumenga jinapuzuka,Oloze natujitungulula namalolwa akwola.+Vanatete mitondo yamisukumole,Oloze natushishisamo mishitale.”
11 Yehova mwakakatula vaka-kole jaLejine vakamufumbukile,Kaha mwakasangumuna vaka-kole jenyi vakamulukuke.
12 VaSulya navakafuminyina kumututuko,*+ vaFwilishite navakafuminyina kumulauko,Navakasama mutunwa nakulya vaIsalele.+Kulundundu yenyi kayatulileko mwomwo yavyumevi,Hanga nolwela livoko lyenyi mangana avavete.+
13 Oloze vatu kavakindulukile kuli Ou navaveteko.Kavatondele Yehova wamayongomenako.+
14 Yehova mwakavatula mutwe namukila wavaIsalele mulikumbi lyangongo,+Mwakavatula nawa muketengo naliteve.*
15 Vakulwane navatu vavalemu vakiko mutwe,Kaha vapolofweto vaka-kuhana jindongi jamakuli vakiko mukila.+
16 Vaze vali nakutwaminyina vatu ava, vali nakuvahungumwisa,Kaha vatu vaze vavanatwaminyina vanaluwangana.
17 Shikaho Yehova keshi kukevwila kuwaha vakweze javo vamalungako,Keshi kukevwila keke vana vakuzeneka masevo,* navatuliwe javo vamapwevoko.Mwomwo vosena vanapu vaka-kulikanga kuli Kalunga, vaka-kupihisa+Vosena vali nakuhanjika vyauleya.Kulundundu yenyi kayatulileko mwomwo yavyumevi,Hanga nolwela livoko lyenyi mangana avavete.+
18 Vilinga vyakuhuka vyeji kukwatanga nge kakahya,Vyeji kwochanga vikwata navimwila,Navikepula kakahya mulivunda,Kaha nalikafwinda wishi.
19 Mwomwo yautenu waYehova wamayongomenaLifuchi linakwate kakahya,Kaha vatu navakanonga nakakahya.Naumwe wauchi mwakayovola ndumbwenyi.
20 Mutu mwakasepula nyama kulivoko lyenyi lyachilyo nakulya,Oloze mwakevwa lika zala.Weka mwakalya nyama kulivoko lyenyi lyachimoswe,Oloze keshi kukekutako.Navakalyanga nyama yakumavoko avo.
21 VaManase navakalya vaEfwalimeVaEfwalime nawa navakalya vaManase.Kaha vosena navakafumbukila vaYuta.+Kulundundu yenyi kayatulileko mwomwo yavyumevi,Hanga nolwela livoko lyenyi mangana avavete.+
Kwinyikila Chamwishi
^ Chipwe “Fulumende; Wangana.”
^ Chipwe “Fulumende; Wangana.”
^ Hepe., “kunyima.”
^ Chipwe pamo, “nalivale nalihongo.”
^ Chipwe “vanginga.”
