Jisamu 102:1-28
Kulomba chamutu vali nakuyanjisa uze nahombo,* kaha himwalweza Yehova vili kumuchima wenyi.+
102 Ove Yehova, ivwa kulomba chami.+Kawelele kami kahete kuli ove.+
2 Kanda nauswama nguhone kukumona omu nguli muluyandoko.+Tengeleka matwitwi ove* kuli ami.Ngukumbulule washiwashi omu nangukusanyika.+
3 Mwomwo makumbi akuyoya chami ali nakulelangana nge wishi,Vifuwa vyami vili nakwenya nge makala akakahya.+
4 Muchima wami unapu nge mwila uze unavauka, kaha unalehuka,+Nachipepa chavyakulya chinangukumu.
5 Nyama yami yinominyina havifuwa+Mwomwo yakulikemenena mikemo.+
6 Ngunafwane nge limbondo wamupambo.Ngunapu nge kapongesa uze ali mungundu.
7 Ngweji kunyingamanga.*Ngunapu nge kajila uze ali uka wenyi hamulungu wazuvo.+
8 Vaka-kole jami vali nakungutoleka lwola lwosena.+Vaka-kunguhenda* vali nakwangula vakwavo halijina lyami.
9 Uto unapu jino kulya chami.+Meya ami akunwa analifutula namasoji,+
10 Mwomwo yautenu wove nakulundundu yove.Unanguzundula mangana ungumbile.
11 Makumbi akuyoya chami anapu nge muvwimbimbi uze weji kulelangananga,+Nguli nakuma kwijiva nge mwila.+
12 Oloze ove Yehova, ove kuwatwama haya myaka yosena,+Kaha puho* yove nayipwangako lika kuvisemunwino vyosena.+
13 Naukatuka, nawivwila keke nganda yaZeyone,+Mwomwo luno hilwola lwakuyivwila uselewa.+Lwola watongola lunahete.+
14 Mwomwo vangamba jove veji kwivwilanga kuwaha malolwa amunganda kana,+Vazanga lukungu lwamunganda kana.+
15 Ove Yehova, vaka-mafuchi navevwa woma lijina lyove,Vamyangana vahamavu vosena navevwa woma upahu wove.+
16 Mwomwo Yehova mwatungulula Zeyone.+Mwasoloka muupahu wenyi.+
17 Mwevwilila kukulomba chavaze vakalikiza.+Keshi kulumbilisa kulomba chavoko.+
18 Vyumevi vavisonekela chisemunwino chakulutwe,+Mangana vatu vaze navakasemuka* kulutwe vakalise Ya.
19 Yehova uze atwama mwilu muze mwajila eji kutalanga hamavu,Eji kutalanga hamavu kufuma mwilu,+
20 Mangana evwenga kulishimwoka chavafunge,+Asokole vaze vanatongwela kufwa,+
21 Mangana lijina lyaYehova valivilike muZeyone,+Mangana vamwalise muYelusalema
22 Omu vatu veka naveka namawanganaNavalikungulwila hamwe mangana vazachile Yehova.+
23 Ngolo jami ajivatwilile hakachi.Akehesele makumbi akuyoya chami.
24 Ngwambile ngwami: “Ove Kalunga kami,Ove wapwako lika kuvisemunwino vyosena,+Kanda naungujiha shimbu kanda ngushinakajeko.
25 Kushikulu walile vihela vyamavu,Kaha melu anapu milimo yamavoko ove.+
26 Evi navikanonga, oloze ove naupwangako lika.Navikalyenyeka nge uvwalo.Naukavifumisako nakushishisaho vyeka nge muze navashishisa uvwalo.
27 Oloze ove kawalumukako, kaha myaka yove kayeshi kukakumako.+
28 Vana vavangamba jove navatwama mukuunda.Vaka-tanga yavo navazamanga kumeso ove.”+
Kwinyikila Chamwishi
^ Chipwe “nazeye.”
^ Chipwe “Nongama wivwilile.”
^ Chipwe pamo, “Ngunahokama.”
^ Chipwe “Vaka-kunguhulamisa.”
^ Chipwe “lijina.”
^ Hepe., “navakatenga.”
