Jisamu 105:1-45
-
Vyuma vyamwaza alingila Yehova vatu jenyi
105 Musakwililenu Yehova,+ musanyikenu halijina lyenyi,Lwezenu vatu veka naveka milimo yenyi.+
2 Mwimbilenu, mwimbilenu myaso,Shinganyekenu* hamilimo yenyi yakukomwesa yosena.+
3 Lisashilenu halijina lyenyi lyajila.+Michima yavaze vali nakutondatonda Yehova yiwahilile.+
4 Tondetondenu Yehova+ nangolo jenyi.Sakasakenu uselewa wenyi lwola lwosena.
5 Anukenu milimo yakukomwesa nalingi,Anukenu vyuma vyenyi vyakukomwesa namazu enyi akuyula nahanjika,+
6 Enu vaka-tanga* yangamba yenyi Apalahama,+Enu vana vaYakova, enu vatu jenyi asakula.+
7 Ikiye Yehova Kalunga ketu.+Mazu enyi akuyula ali kumavu kwosena.+
8 Eji kwanukanga lushiko lwenyi haya myaka yosena,+Eji kwanukanga lushiko luze alishikile* havisemunwino likombakaji,+
9 Lushiko luze ashikile Apalahama,+Nalushingo luze alishingile kuli Isaka,+
10 Lushiko luze azamishile kupwa hilushimbi kuli Yakova,Kupwa lushiko lwahaya myaka yosena kuli Isalele,
11 Ngwenyi: “Nangukakuhana lifuchi lyaKanane+Kupwa chazano chauswana wove.”+
12 Ahanjikile mazu awa halwola vapwile vavandende,+Halwola vapwile vavandende chikuma, omu vapwile vamwiza mulifuchi.+
13 Vakimbwojokelenga kufuma kulifuchi limwe nakuya kulifuchi likwavo,Kufuma kuwangana umwe nakuya kuwangana ukwavo.+
14 Ketavishile mutu numba umwe avayanjiseko,+Ahanjikilile vamyangana mwomwo yavakiko,+
15 Ngwenyi: “Kanda namukwata ava vami ngwawavisako,Kanda namulinga chuma chachipi kuli vapolofweto jamiko.”+
16 Anehele zala yakalombolombo mulifuchi.+Akehesele vyakulya vyavo.*
17 Atumine lunga umwe kulutwe lwavo,Yosefwe+ uze valanjishile muundungo.
18 Vakashile* mahinji enyi mujikuli,+Vahakile shingo yenyi muvikungo,*
19 Palanga nomu mazu aYehova ateselemo.+Mazu enyi akiko amutomesele.
20 Mwangana atumine vatu vamusokole,+Muka-kuyula vatu amusuwile.
21 Amutongwele kupwa mwata hazuvo yenyi,Kupwa mukulwane wakutala luheto lwenyi lwosena,+
22 Mangana apwenga nawata hali* vilolo jenyi nakuvayula kweseka nomu mwayile muchima wenyi,*Nakunangula vakulwane jenyi mangana.+
23 Jino Isalele ejile muEjipitu,+Yakova apwile mwiza mulifuchi lyaHame.
24 Kalunga alingishile vatu jenyi vaseme nakusemunwina.+Avalingishile vapwenga nangolo chikuma kuhambakana vaka-kole javo.+
25 Echelele vaka-kole valumune michima yavo nakuhunga vatu jenyi,Avechelele vatwame punga vangamba jenyi.+
26 Atumine ngamba yenyi Mose,+NaAlone+ uze asakwile.
27 Valingile vinjikizo vyenyi muli vakiko,Valingile vyuma vyakukomwesa mulifuchi lyaHame.+
28 Atumine milima mulifuchi, kaha mwelavile wi.+Mose naAlone kavalikangile kumazu enyiko.
29 Alumwine meya avaka-kole kupwa manyinga,Ajihile vaishi javo.+
30 Mulifuchi lyavo mwazalile vizunda,+Vengilile namutupete twavamyangana.
31 Avanehelele mayongomena avikesuNatungunungunu mujingalila javo josena.+
32 Avanokeselele vula yamalolwa,Atumine miveso* mulifuchi lyavo.+
33 Enyekele mivinyo namikuyu yavo,Alindumwine mitondo mujingalila javo.
34 Anehele mayongomena avambimba,Anehele vana vavambimba vavavulu chikuma.+
35 Valile vyuma vituta vyosena mulifuchi.Valile jimbuto jakusoka hamavu josena.
36 Kaha ajihile vatwatwa vosena mulifuchi lyavo,+Vaze vapwile kuputuka changolo javo jakusema.
37 Alowele vatu jenyi napalata naulu.+Naumwe wauchi hamiyachi yenyi ahukanyine.
38 VaEjipitu vawahililile omu vaIsalele valovokele,Mwomwo vevwile woma hali vakiko.+
39 Atanduwile livwi mangana livafwike,+Kaha avahanyine kakahya mangana kavamunyikile naufuku.+
40 Vamulombele, kaha avahanyine vangwali,+Avahanyinenga kulya chakufuma mwilu valyenga.+
41 Ajikwile kulilolwa, kaha meya ambwambumukile.+Ahichile mupambo kwijiva nge kalwiji.+
42 Mwomwo anukile lushiko lwajila luze ashikile ngamba yenyi Apalahama.+
43 Ngocho alowele vatu jenyi oku vali nakulisamba,+Alowele vatu jenyi vaze asakwile oku vali nakutwa jingunda.
44 Avahanyine mafuchi avaka-mafuchi eka.+Vaswanyine vyuma vize vakilikichile vatu veka,+
45 Mangana valame jindongi jenyi+Nakukavangiza jishimbi jenyi.Mwalisenunga Ya.*
Kwinyikila Chamwishi
^ Chipwe pamo, “Hanjikenu.”
^ Chipwe “vana.” Hepe., “mbuto.”
^ Hepe., “lizu lize ahanjikile.”
^ Hepe., “Ahokwele jimbwechi jambolo yavo.” Pamo kutalisa kujimbwechi vatulikililenga mbolo.
^ Hepe., “Vayanjishile.”
^ Chipwe “Mwono wenyi vauhakile muvikungo.”
^ Hepe., “Mangana akase.”
^ Chipwe “nomu wasakile mwono wenyi.”
^ Chipwe “milangi yakakahya.”
^ Chipwe “Haleluya!” “Ya” hilijina lyaYehova mukavatu.
