Jisamu 108:1-13
Mwaso. Samu yaNdavichi.
108 Muchima wami unazame mbe, ove Kalunga,Nangukwimbila myaso.+
2 Ove chisaji chamikole nayove kalyalya, tonenu.+Nanguhinduka kulungulungu lyakucha.
3 Ove Yehova, nangukwalisa muli vatu veka naveka,Nangukwimbila myaso muli vaka-mafuchi.
4 Mwomwo zangi yove yakwilila yinapu yayinene, kaha yinahete namumelu,+Kushishika chove chinahete namuutangatanga.
5 Ove Kalunga, vakuzezule helu lyamelu.Upahu wove upwenga hamavu hosena.+
6 Tulwile nalivoko lyove lyachilyo, ngukumbulule,Mangana upululule ava wazanga.+
7 Kalunga wajila nahanjika ngwenyi:*“Nanguwahilila, nanguhana Shekeme+ kupwa uswana wavatu jami,Kaha nangupima Chinema* chaSukote.+
8 Ngileyate+ yinapu yami ngana mwangalila yaManase,Efwalime yinapu nge litepa lyakukola* lyakumutwe wami.+Kaha Yuta yinapu nge mbwechi yakapitau kami.+
9 Mowave yinapu nge mbashiya yami yakusanyina.+Nangumbila mendelo ami haEtome.+Nangulisambila haFwilishite.”+
10 Iya mwangutwala kunganda yakukingiwa?Iya mwangutwaminyina palanga nakuEtome?+
11 Yove vene Kalunga uze atumbile nyima,Kalunga ketu uze nalitwamina kuyanga hamwe naliyongomena lyetu lyavaka-jita.+
12 Tukafwe muluyando lwetu,+Mwomwo ulwilo wavatu wapwa wamokomoko.+
13 Kalunga mwatukafwa tukwate ngolo,+Mwalyatangila vaka-kole jetu.+
Kwinyikila Chamwishi
^ Chipwe pamo, “Kalunga nahanjika muchihela chenyi chajila ngwenyi.”
^ Chipwe “Chana.”
^ Hepe., “nge chihela chakukola.”
