Jisamu 109:1-31
Kuli mukulwane wavaka-kwimba. Samu yaNdavichi.
109 Ove Kalunga ngweji kwalisanga,+ kanda nauhola kuluko.
2 Mwomwo vaka-kuhuka, vaka-kutangisa veji kulokololanga mutunwa twavo nakungufulilila.Veji kunguvangijikilanga.+
3 Veji kungujingilikanga nakungwamba mazu amapi,Veji kungulukukanga chakuzeneka mulonga.+
4 Veji kungwimanyinanga nakole mwomwo yakuvazanga.+Oloze ami ngweji kulombanga lika.
5 Veji kungushishishilamo upi havyuma vyamwaza ngweji kulinganga,+Veji kunguhunganga mwomwo yakuvazanga.+
6 Tongola muka-kuhuka amusopese,Muka-kole* emane kulivoko lyenyi lyachilyo.
7 Vamuwane namulonga* omu navamusopesa.Kulomba chenyi uchimone nge hishili.+
8 Makumbi akuyoya chenyi apwenga amandende.+Mulimo wenyi waulama vauzate kuli mutu weka.+
9 Vana venyi* vapwenga vanginga,Pwevo lyenyi nawa apwenga tuliwe.
10 Vana venyi* vakimbangilenga nakulombalomba,Vatwamenga mujizuvo javo jakupuzwojoka nakuya nakutondatonda vyakulya.
11 Uze amulevanyishile amutambule* vyuma vyosena aheta,Vatu veka vapupe luheto lwenyi.
12 Kanda nakupwa mutu mwamusolwela likojiko,*Kanda nakupwa mutu mwevwila vana venyi vavanginga uselewako.
13 Vaka-tanga* yenyi vavanongese.+Majina avo vawajimbangane muchisemunwino chavo.
14 Yehova+ anukenga kuhenga chavakakuluka jenyi,Kaha shili yanaye kanda vakayijimbanganako.
15 Yehova anukenga lika vyuma nalingi.Amunongese mangana vakazeneke kumwanuka hamavu.+
16 Mwomwo kasolwelenga likojiko,*+Oloze ahangasanyinenga lika mutu wakuyanda,+ wakuhutwa, wakuhomba,Mangana amujihe.+
17 Azangilenga kwangula vakwavo, shikaho changu chejile hali ivene.Kasakile kukisula vakwavoko, ngocho katambwile kisuko.
18 Avwalilenga vyangu kwijiva nge uvwalo.Vyangu vavihingunwinyine hamujimba wenyi kwijiva nge meya,Vyengilile muvifuwa vyenyi kwijiva nge maji.
19 Vyangu vyenyi vipwenga nge lihina lize eji kulikupilikanga,+Vipwenga nge muhya uze eji kuvwalanga.
20 Evi vikiko Yehova mwashishishilamo uze eji kungwimanyinanga nakole,+Navaze veji kuhanjikanga vyuma vyavipi hali ami.*
21 Ove Mwata Wakulitulaho Yehova,Ngukafwe mwomwo yalijina lyove.+Ngupululule mwomwo zangi yove yakwilila yapwa yamwaza.+
22 Mwomwo ami ngumuka-kukalikiza, ngumuka-kuhutwa,+Muchima wami nawa vanautuvasana.+
23 Nguli nakulelangana nge muvwimbimbi.Vanangutapula kwijiva nge ngumbimba.
24 Mambuli ami ali nakuchikima mwomwo yakulijilika kulya,Mujimba wami unahokama, kaha nguli nakuhwakuka.*
25 Vali nakungutoleka.+Vali nakunyengesa mitwe yavo nge vanangumono.+
26 Ove Yehova Kalunga kami, ngukafwe.Ngulwile mwomwo yazangi yove yakwilila.
27 Vatu vatachikize ngwavo livoko lyove likiko linalingi vyumevi,Ngwavo ove Yehova yove unavilingi.
28 Veche vangwangule tuhu, oloze ove ngukisule.Vevwise sonyi omu navangunyemukila,Oloze lingisa ami ngamba yove nguwahilile.
29 Vaze vali nakungwimanyina nakole vavenyise.Valikupilike sonyi kwijiva nge chikuto.*+
30 Kanwa kami nakalisanga chikuma Yehova.Nangumwalisanga kumeso avatu vavavulu.+
31 Mwomwo mwemana kulivoko lyachilyo lyamuka-kuhutwa,Mangana amulwile kuli vaze vali nakumusopesa.
Kwinyikila Chamwishi
^ Chipwe “Muka-kuvangijikila.”
^ Chipwe “Vamuwane kupwa muka-kuhuka.”
^ Hepe., “Vana venyi vamalunga.”
^ Hepe., “Vana venyi vamalunga.”
^ Chipwe “Muka-kulevanyisa amutele muheto.”
^ Chipwe “zangi yakwililako.”
^ Chipwe “Ava navakasemuka kulutwe.”
^ Chipwe “zangi yakwililako.”
^ Chipwe “hamwono wami.”
^ Hepe., “Mujimba wami unominyina, kaweshi namajiko.”
^ Chipwe “ndeleji yakuzeneka mavoko.”
