Jisamu 114:1-8

  • VaIsalele navavalovola muEjipitu

    • Kalungalwiji achinyine (5)

    • Jipili jasambile nge vizamba javapembe (6)

    • Lilolwa lyakukola valyalumwine kupwa kaselwoke (8)

114  Omu vaIsalele valovokele muEjipitu,+Omu vaze vakuzuvo yaYakova valovokele muli vatu vaze vahanjikilenga lilimi lyeka,  2  Yuta apwile chihela chaKalunga chajila,Isalele apwile wangana wenyi.+  3  Kalungalwiji amwene chuma kana, kaha achinyine.+Yotau akindulukile munyima.+  4  Jipili jajinene jasambile nge vizamba jamikoko,+Jipili jajindende nawa jasambile nge vana vamikoko.  5  Ove kalungalwiji, ika yakulingishile uchine?+Ove Yotau, ika yakulingishile ukinduluke munyima?+  6  Enu jipili jajinene, mwasambilile ika nge vizamba jamikoko?Enu jipili jajindende, mwasambilile ika nge vana vamikoko?  7  Ove mavu, ndenda mwomwo yaMwata,Mwomwo yaKalunga kaYakova,+  8  Ou eji kwalumunanga lilolwa kupwa chijiva chameya,Ou eji kwalumunanga lilolwa lyakukola kupwa kaselwoke kameya.+

Kwinyikila Chamwishi

MBIMBILIYA YAVISONEKA VYAKAYE KAKAHYA
Jisamu 114
Luvale
Tanga Mbimbiliya haInternet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg