Jisamu 115:1-18
115 Kanda naututohwesa etuko, ove Yehova, kanda naututohwesa etuko,*Oloze tohwesa lijina lyove+Mwomwo yazangi yove yakwilila nakushishika chove.+
2 Mwomwo ika vaka-mafuchi eka navambila ngwavo:“Kalunga kavo ali kulihi?”+
3 Kalunga ketu atwama mwilu.Eji kulinganga vyeshovyo nasake.
4 Makombelo avo apwa apalata naulu,Apwa milimo yamavoko avatu.+
5 Akwechi tunwa, oloze kaweshi kuhanjikako.+Akwechi meso, oloze kaweshi kumonako.
6 Akwechi matwitwi, oloze kaweshi kwivwako.Akwechi mazulu, oloze kaweshi kuhumbikako.
7 Akwechi mavoko, oloze kaweshi kukwatako.Akwechi mahinji, oloze kaweshi kutambukako.+Kumiliu yawo kakweshi kulovoka lizuko.+
8 Vatu vaze veji kuwatenganga navapwa nge akiko.+Omu mukiko navapwa navaze veji kuwafwelelanga.+
9 Enu vaIsalele, fwelelenunga muli Yehova.+Ikiye muka-kumikafwa, ikiye kepwe yenu.+
10 Enu vakuzuvo yaAlone,+ fwelelenunga muli Yehova.Ikiye muka-kumikafwa, ikiye kepwe yenu.
11 Enu mwevwa Yehova woma, fwelelenunga muli Yehova.+Ikiye muka-kumikafwa, ikiye kepwe yenu.+
12 Yehova eji kutwanukanga, kaha mwatukisula.Mwakisula vaze vakuzuvo yaIsalele.+Mwakisula vaze vakuzuvo yaAlone.
13 Yehova mwakisula vaze vamwivwa woma,Mwakisula vatu vamokomoko navava vavalemu.
14 Yehova mwamivulisa,Enu navana venu.*+
15 Yehova amikisulenga,+Ou atengele melu namavu.+
16 Melu apwa aYehova,+Oloze mavu awahana kuli vana vavatu.+
17 Vafu kaveshi kwalisa Ya+ koko,Chipwe vaze vashikumuka mufuka.*+
18 Oloze etu natwalisanga YaKufuma oholyapwa nahaya myaka yosena.Mwalisenunga Ya.*
Kwinyikila Chamwishi
^ Chipwe “Etu katweshi navimweko, ove Yehova, etu katweshi navimweko.”
^ Hepe., “navana venu vamalunga.”
^ Hepe., “muuholela.”
^ Chipwe “Haleluya!” “Ya” hilijina lyaYehova mukavatu.
