Jisamu 12:1-8
-
Yehova mwakatuka alwile
-
Mazu aKalunga apwa atoma (6)
-
Kuli mukulwane wavaka-kwimba. Mwaso wakwimba naShiminyite.* Samu yaNdavichi.
12 Ove Yehova, ngulwile, mwomwo vaka-kulonga vanakumu.Vaka-kushishika vanahu muli vatu.
2 Vatu veji kulyonganga mwavomwavo.Veji kumbembejekanga vatu namivumbo yavo* nakuhanjika namichima yakwonga.*+
3 Yehova mwakateta mivumbo yakumbembejeka yosena,Nalilimi lyakuhanjika nakulitukwojola,+
4 Mwakatetako vaze veji kwambanga ngwavo: “Natufungulula vatu namalimi etu.Tweji kuzachisanga mivumbo yetu mweshomwo tunasakila.
Naumwe wauchi atela kupwa mwata wetu.”+
5 Yehova nambe ngwenyi: “Hakuwana nge vaka-kukalikiza vali nakuvashinyinyika,Kaha vaka-kuhutwa nawa vali nakulishimwoka,+Ngocho nangukatuka,Nanguvalwila kuli vaze vali nakuvasaula.”
6 Mazu aYehova apwa atoma.+Apwa nge palata yize vanatomesa mulilungu mapapa 7.
7 Ove Yehova, nauvalamanga,+Nauvakinganga mutu himutu kuchisemunwino chino haya myaka yosena.
8 Vaka-kuhuka veji kukimbwojokanga kwosena,Mwomwo vana vavatu veji kukundwizanga vilinga vyaupapwoki.+
Kwinyikila Chamwishi
^ Tala Mukana waMazu.
^ Hepe., “Veji kuhanjikanga namivumbo yakulambisa.”
^ Hepe., “namichima yivali.”