Jisamu 132:1-18
Mwaso waVaka-kukanduka kuNganda.
132 Ove Yehova, anuka NdavichiNakuyanda chenyi chosena,+
2 Nomu alishingile kuli Yehova,Nomu ashikile lushiko Ou Ukwechi Ngolo waYakova ngwenyi:+
3 “Kangweshi kwingila mumbalaka yami, muzuvo yamiko.+Kangweshi kusavala hakahela kamiko.
4 Kangweshi kuya mutuloko,Kangweshi kusavalako,
5 Palanga nomu nangumuwanyina Yehova chihela,Chihela chamwaza chakutwama* Ou Ukwechi Ngolo waYakova.”+
6 Talenu! Twachivwile kuEfwalata,+Twachiwanyine muchipapa.+
7 Tuyenu kuchihela chenyi atwama.*+Tulifukwilenu kuchitwamo chakulyata mahinji enyi.+
8 Ove Yehova, katuka uyenga kuchihela chove chakunokela,+Ove naChikasha changolo jove.+
9 Vapilishitu jove vapwenga vakwoloka,Vatu jove vakushishika vatwenga jingunda.
10 Kanda naukana ou wove wawavisakoMwomwo yangamba yove Ndavichi.+
11 Yehova nalishingi kuli Ndavichi,Kaha mwatesamo chikupu mazu enyi akwamba ngwenyi:“Nangukahaka mwanove* umweHalitanda lyove.+
12 Kachi nge vana vove navalamanga lushiko lwamiNamazu ami akwanukisa ngweji kuvanangulanga,+Kaha vana vavo navakikoNavakatwamanga halitanda lyove haya myaka yosena.”+
13 Mwomwo Yehova nasakula Zeyone.+Ayifwila yipwenga chihela chenyi chakutwamamo hakwamba ngwenyi:+
14 “Echi hichihela chami chakunokela haya myaka yosena.Nangutwamangamo+ mwomwo chikiko ngwafwila.
15 Nanguchikisula chipwenga navyakulya,Vaka-kuhutwa vatwamamo nanguvahana vyakulya.+
16 Vapilishitu vatwamamo nanguvalwila,*+Kaha vatu vakushishika vatwamamo navatwa jingunda.+
17 Nangutohwesa ngolo* jaNdavichi kuze.Ngunawahishila ou wami ngwawavisa linongo.+
18 Nangwivwisa vaka-kole jenyi sonyi,Oloze muchama uli kumutwe wenyi naufukilanga.”+
Kwinyikila Chamwishi
^ Chipwe “Tavanaku yayinene.”
^ Chipwe “kutavanaku yenyi yayinene.”
^ Hepe., “muhako wakufuma mujimo lyove.”
^ Hepe., “Vapilishitu vatwamamo nanguvavwika ulwilo.”
^ Hepe., “lumbinga.”