Jisamu 135:1-21
135 Mwalisenunga Ya!*Alisenunga lijina lyaYehova.Enu vangamba jaYehova,+ mwalisenunga,
2 Enu munemana muzuvo yaYehova,Muvipango vyazuvo yaKalunga ketu.+
3 Mwalisenunga Ya, mwomwo Yehova apwa wamwaza.+Imbenu myaso yakwalisa lijina lyenyi, mwomwo chapwa chamwaza kulinga ngocho.
4 Mwomwo Ya nalisakwila Yakova,Nasakula vaIsalele kupwa vatu jenyi vakulipwila.*+
5 Ngwatachikiza ngwami Yehova apwa wamunene.Mwata wetu apwa wamunene chikuma kuhambakana tulunga veka vosena.+
6 Yehova eji kulinganga vyeshovyo nasake+Mwilu, nahamavu, namutulungalwiji, nahamyambe hosena.
7 Eji kulingisanga mavwi* akanduke mwilu kufuma kujisongosongo jamavu.Eji kulovolanga miveso yavula.Eji kulovolanga peho muvisete vyenyi.+
8 Ajihile vatwatwa vamuEjipitu,Vatwatwa vavatu navava vatunyama.+
9 Ove Ejipitu, akutuminyine vinjikizo navyuma vyakukomwesa,+Avitumine hali Fwalo navangamba jenyi vosena.+
10 Anongesele vaka-mafuchi vavavulu,+Ajihile vamyangana vangolo,+
11 Shihone mwangana wavaAmole,+Onge mwangana waMbashane,+Afungulwile mawangana amuKanane osena.
12 Lifuchi lyavo alihanyine kuli vatu jenyi kupwa uswana,Kupwa uswana kuli vatu jenyi vaIsalele.+
13 Ove Yehova, lijina lyove nalipwangako lika haya myaka yosena.Ove Yehova, puho* yove nayipwangako lika kuvisemunwino vyosena.+
14 Mwomwo Yehova mwahakwila vatu jenyi,+Mwatetela* vangamba jenyi.+
15 Makombelo avaka-mafuchi apwa apalata naulu,Apwa milimo yamavoko avatu.+
16 Akwechi tunwa, oloze kaweshi kuhanjikako,+Akwechi meso, oloze kaweshi kumonako.
17 Akwechi matwitwi, oloze kaweshi kwivwako.Mukanwa kawo kamweshi kulovoka peho yakuhwimako.+
18 Vatu vaze veji kuwatenganga navapwa nge akiko,+Omu mukiko navapwa navaze veji kuwafwelelanga.+
19 Enu vakuzuvo yaIsalele, mwalisenunga Yehova.Enu vakuzuvo yaAlone, mwalisenunga Yehova.
20 Enu vakuzuvo yaLevi, mwalisenunga Yehova.+Enu mwevwa Yehova woma, mwalisenunga Yehova.
21 Yehova, ou atwama muYelusalema+Vamwalisenga muZeyone.+Mwalisenunga Ya.+
Kwinyikila Chamwishi
^ Chipwe “Haleluya!” “Ya” hilijina lyaYehova mukavatu.
^ Chipwe “kupwa luheto lwenyi azanga.”
^ Chipwe “muku.”
^ Chipwe “lijina.”
^ Chipwe “Mwaliveyela.”
