Jisamu 139:1-24
Kuli mukulwane wavaka-kwimba. Samu yaNdavichi.
139 Ove Yehova, unanguhehwojola, kaha unangutachikiza.+
2 Ove weji kutachikizanga omu nangutwama nomu nangukatuka.+Weji kumonanga vishinganyeka vyami numba nge uli hahasuku.+
3 Weji kungumonanga* omu nangutambuka ungeji nomu nangusavala.Ove watachikiza kanawa jijila jami josena.+
4 Ove Yehova, shimbu kanda lilimi lyami lihanjike,Ove unatachikiza lyehi mazu nanguhanjika.+
5 Weji kungukinganga kunyima nakulutwe.Weji kungusalikanga livoko lyove.
6 Ngunahono kumona mwaya chinyingi kana.*Chinajindama chikuma kuli ami.*+
7 Kulihize nanguchinyina shipilitu yove?Kulihize nanguchinyina uzeneke kungumona?+
8 Kachi nge nanguya mwilu, naungumona.Kachi nge nangwala kahela kami muFuka,* naungumona lika.+
9 Kachi nge nangutuka namavava kulungulungu lyakucha,Mangana nguyenga nakutwama kukalungalwiji wakwakusuku,
10 Livoko lyove nalingutwaminyina kuze,Livoko lyove lyachilyo nalingukwachilila.+
11 Kachi nge nangwamba ngwami: “Milima nayingufwika,”Kaha ufuku uze unangujingilika naupwa musana.
12 Milima kayeshi kwilava chikuma uzeneke kumonako,Ufuku weji kumunyikanga nge musana.+Milima nawa yapwa nge kumunyika kuli ove.+
13 Mwomwo ove yove watengele jiso jami.Wanguswekele* mujimo lyamama.+
14 Ngweji kukwalisanga mwomwo wangutenga mwakwivwisa woma, mwakukomwesa.+Milimo yove yapwa yakukomwesa,+Kaha chuma kana ngwachitachikiza kanawa.
15 Omu wangutengele kupenge,Omu wangutungile kwishi yamavu,Vifuwa vyami kavyaswamine kumeso oveko.+
16 Meso ove angumwene shimbu ngwapwile ngumuvisu.Vihanda vyami vyosena wavisonekele mumukanda wove,Wasonekelemo namakumbi vyapwile nakulitungaShimbu kanda vyosena vipwengako.
17 Ngocho vishinganyeka vyove vyapwa vyavilemu chikuma kuli ami.+Ove Kalunga, vyapwa vyavivulu chikuma.+
18 Kachi nge nangweseka kuvilava, vinavulu chikuma kuhambakana usekeseke.+Nangulinga chingulava lika* nomu nanguhinduka nachimene.+
19 Ove Kalunga, nachiwaha nge naujiha vaka-kuhuka,+Kaha vaka-ulyanyi* navafuma kuli ami,
20 Vaze veji kuhanjikanga vyuma vyavipi hali ove.Vanapu vaka-kole jove vaze veji kuzachisanga lijina lyove mujila yakuhenga.+
21 Ove Yehova, kutala kangwahunga vaze vakuhungako nyi?+Kutala kangwevwila unyengwe vaze veji kulikanganga kuli oveko nyi?+
22 Ngwavahunga chikupu.+Vanapu vaka-kole jami chikupu.
23 Ove Kalunga, nguhehwojole mangana utachikize muchima wami.+Ngukekese mangana utachikize vyuma ngunalizakamina.*+
24 Mangana umone numba nge muli ami muli jila yayipi,+Mangana ungutwaminyine+ mujila yahaya myaka yosena.
Kwinyikila Chamwishi
^ Hepe., “kungupimanga.”
^ Chipwe “Chinyingi kana chinangukomwesa chikuma.”
^ Chipwe “Kacheshi nakungulumbunukilako.”
^ Chipwe “muSheyole,” kulumbununa fuka yavatu vosena. Tala Mukana waMazu.
^ Chipwe pamo, “Wangunungasanyine.”
^ Chipwe pamo, “Nangupwa lika hamwe nayove.”
^ Chipwe “vaka-kumwanga manyinga.”
^ Chipwe “utachikize vishinganyeka vili nakunguyanjisa.”
